Prezident Rasii Uładzimir Pucin daručyŭ pravieści ŭ Krymie apytańnie pierad tym, jak zaklučać kantrakty z Ukrainaj na pastaŭki elektraenierhii, zajaviŭ ministr enierhietyki Alaksandr Novak.
«Pieršaje pytańnie: Ci padtrymlivajecie vy abo nie zaklučeńnie kamiercyjnaha kantraktu z Ukrainaj na pastaŭku častki elektraenierhii ŭ Krym i Sievastopal, kali ŭ im budzie pakazana, što Krym i Sievastopal źjaŭlajucca častkaj Ukrainy», — pryvodziać słovy Novaka rasijskija infarmacyjnyja ahienctvy.
Druhoje pytańnie, pa słovach ministra, hučyć tak: «Ci hatovyja vy da časovych ciažkaściaŭ, źviazanych ź niaznačnymi pierabojami enierhazabieśpiačeńnia na praciahu bližejšych 3—4 miesiacaŭ».
Dziejučy kantrakt na pastaŭki elektryčnaści z Ukrainy ŭ Krym skančajecca 1 studzienia 2016 hoda. Rasijskija ŭłady nie zhodnyja z prapanavanaj Kijevam farmuloŭkaj u novym kantrakcie, što Krym - - heta terytoryja Ukrainy, adznačaje TASS.
U noč na 31 śniežnia Ukraina, jak paviedamlaje ministerstva enierhietyki Kryma, całkam spyniła padaču elektraenierhii na paŭvostraŭ. Pres-sakratar «Ukrenierha» Zinovij Bucio paźniej zajaviŭ, što ŭ Chiersonskaj vobłaści abrynułasia apora linii elektrapieradač «Kachoŭka-Tytan», jakaja złučaje Ukrainu z paŭvostravam.
