Paśla navahodniaj nočy śniežnaje pokryva ŭtvaryłasia praktyčna na ŭsioj terytoryi krainy.
Śnieh adsutničaje tolki ŭ krajnich zachodnich rajonach Bresckaj vobłaści i na miažy Bresckaj i Homielskaj abłaściej u Paleśsi.
Najbolšaja vyšynia śniežnaha pokryva ŭ Homielskaj vobłaści (da 12 sm). U Minsku vyšynia śniehu pavialičyłasia za sutki z 6 da 8 sm.
Minimalnaja tempieratura pavietra ŭ navahodniuju noč skłała ad 9,6 (Narač, Šarkaŭščyna, Vierchniadźvinsk) da 15,5 hradusa nižej za nul (Viciebsk). Nasupierak prahnozu hetaja noč akazałasia ciaplejšaj za papiaredniuju (čakałasia miescami da minus 20), kali tempieratura ŭpieršyniu ŭ hetym zimovym siezonie apuściłasia nižej za 20-hradusnuju adznaku (20,5 u Ašmianach).
2 i 3 studzienia pachaładaje.
Tempieratura pavietra nočču minus 13—20, pry prajaśnieńniach pavietra moža vychałodžvacca da 21—25 hradusaŭ, maksimalnaja dniom 8—15, miescami 16—18 (u Minsku 11—13). Dadatkovaje adčuvańnie choładu stvoryć umierany paŭnočna-ŭschodni viecier.
