Miljardy ludziej va ŭsim śviecie sustreli Novy 2016 hod z radaściu i nadziejami.
Adnak u krainach, jakija viaduć vajnu suprać teraryzmu i isłamskich fanatykaŭ, ułady i žychary vymušanyja byli zachoŭvać pilnaść.
Za niekalki hadzin da Novaha hoda palicyja zakryła dva hałoŭnyja vakzały Miunchiena, bo atrymała «vielmi kankržtnuju infarmacyju» ad raźviedki adnoj ź siabroŭskich krain pra namier Isłamskaj dziaržavy ździejśnić na Novy hod terakt u bavarskim horadzie. Adnak ničoha ŭ horadzie ŭ vyniku nie zdaryłasia. Vakzały adkrylisia nanoŭ a 5.45.
Niahledziačy na zaściarohi palicyi, tysiačy ludziej vyjšli na vulicy Miunchiena ź fiejervierkami. Heta była svajho rodu demanstracyja pahardy da isłamistaŭ.
Z pryčyny pahrozy teraktaŭ masavyja śviatkavańni byli admienienyja ŭ Paryžy i Bruseli. Tym nie mienš, sotni tysiač paryžan vyjšli na Jelisiejskija pali, demanstrujučy, što strachu niama.
U svaim navahodnim zvarocie prezident Francyi Fransua Aland skazaŭ, što Francyja «jašče nie pakončyła z teraryzmam» i što «zachoŭvajecca na najvyšejšym uzroŭni pahroza novych atak».
Bielhijskaja palicyja zatrymała jašče piać padazravanych u terarystyčnych namieraŭ i dziasiataha padazravanaha pa spravie paryžskich teraktaŭ.
Va ŭmovach antyterarystyčnaj pilnaści sustreli Novy hod i ŭ Ńju-Jorku.