Prezident Turcyi Redžep Taip Erdahan pryvioŭ hitleraŭskuju Hiermaniju jak prykład efiektyŭnaj prezidenckaj dziaržavy.
Erdahan sprabuje pravieści reformu vykanaŭčaj ułady ŭ Turcyi i ŭzmacnić rolu prezidenta, paŭnamoctvy jakoha abmiažoŭvaje kanstytucyja.
Padčas intervju tureckamu telebačańniu ŭ čaćvier Erdahana spytali, ci moža dziaržava z mocnaj priezidenckaj uładaj zachavać ŭnitarnuju strukturu. Erdahan, jaki tolki što viarnuŭsia paśla vizitu ŭ Saudaŭskuju Araviju, adkazaŭ, što moža, i pryvioŭ u prykład hitleraŭskuju Niamieččynu, paviedamlaje Bi-Bi-Si. Zhodna z tureckimi ŚMI, zatym jon dadaŭ, što jość i paźniejšyja prykłady.
Adzin z tureckich čynoŭnikaŭ paźniej rastłumačyŭ ahienctvu Rojterz, što słovy Erdahana byli vyrvanyja z kantekstu, i što prezident Turcyi mieŭ na ŭvazie, što jość prykłady drennych [Hiermanija] i dobrych prezidenckich sistem. U nacysckaj Niamieččynie było niedastatkova instytutaŭ, kab bałansavać sistemu, rastłumačyŭ čynoŭnik.
Apazicyja vystupaje suprać kanstytucyjnaj reformy. Jaje krytyki miarkujuć, što Erdahan i hetak prajaŭlaje tendencyju da aŭtarytaryzmu. Kali reforma budzie praviedziena, i paŭnamoctvy prezidenta pašyracca, situacyja ŭ krainie, na ich dumku, istotna pahoršaje.
U svoj čas z frazaj «Nie ŭsio tolki kiepskaje było źviazana ŭ Hiermanii ź viadomym Adolfam Hitleram» trapiŭ u durnoje stanovišča i prezident Biełarusi Alaksandr Łukašenka, jakoha časam paraŭnoŭvajuć z Erdahanam.
