Konkurs pa prodažy kamunalnaha daččynaha handlovaha ŭnitarnaha pradpryjemstva «Čyžoŭski rynak» (HP «Čyžoŭski rynak») adbudziecca 26 studzienia 2016 hoda ŭ Minsku, paviedamili ŭ Minskim haradskim terytaryjalnym fondzie dziaržaŭnaj majomaści.
Arhanizatar konkursu - Minski haradski vykanaŭčy kamitet. Pačatkovaja cana pradpryjemstva jak majomasnaha kompleksu składaje 15 818 000 000 rubloŭ.
Pavodle ŭmovaŭ prodažu pradpryjemstva, pieramožca konkursu pavinien u termin nie paźniej dvuch hadoŭ z dnia zaklučeńnia dahavora kupli-prodažu zaćvierdzić prajektnuju dakumientacyju na budaŭnictva ŭniviersalnaha rynku ź miescami dla prodažu sielskahaspadarčaj pradukcyi, vyraščanaj hramadzianami na prysiadzibnych ziamielnych učastkach (nie mienš za 80 miescaŭ), a taksama placoŭki dla realizacyi sielhaspradukcyi z mašyn (nie mienš za 30 mašyna-miescaŭ). Na praciahu šaści miesiacaŭ z dnia zaćviardžeńnia prajektnaj dakumientacyi na budaŭnictva rynka nieabchodna prystupić da jaho ŭźviadzieńnia. U liku inšych umoŭ prodažu — zachavańnie pracoŭnych miescaŭ na 3 hady, pahašeńnie kredytorskaj zapazyčanaści rynku.
U damovie kupli-prodažu buduć vyznačanyja miery adkaznaści: na vypadak niesvoječasovaha pieraličeńnia hrašovych srodkaŭ u košt apłaty cany prodažu pradpryjemstva jak majomasnaha kompleksu, za nievykanańnie pakupnikom luboj z umovaŭ prodažu pradpryjemstva jak majomasnaha kompleksu ŭ biudžet Minska vypłačvajecca štraf u pamiery 1% ad cany prodažu majomasnaha kompleksu.
Zajavy na ŭdzieł u konkursie z prykładanymi da ich dakumientami prymajucca pa adrasie: h. Minsk, pr-t Niezaležnaści, 8, kab. 218 z 9.00 da 13.00 i z 14.00 da 16.00 pa pracoŭnych dniach. Apošni dzień pryjomu zajaŭ - 11. studzienia 2016.
