Radykalnaja hrupoŭka «Isłamskaja dziaržava» apublikavała videarolik, u jakim pakazana zabojstva piaci čałaviek, abvinavačanych u špijanažy na karyść Brytanii.
Na videazapisie, piša Independent, piaciora mužčyn, apranutyja ŭ aranžavyja roby, pryznajucca, što špijonili za bajevikami i pracavali na brytanskija słužby biaśpieki.
Zabojca piaciarych čałaviek, adznačaje vydańnie, pramaŭlaje z brytanskim akcentam, što brytanski ŭrad «kinuŭ» svaich hramadzian.
Bajavik taksama kaža na videa, što «heta pasłańnie Devidu Kemieranu (premjer-ministru Vialikabrytanii). Źviartajučysia da brytanskaha naroda jon kaža, što «Isłamskaja dziaržava» «adnojčy ŭvarviecca ŭ vašy ziamli, dzie budzie Šaryjat».
Pres-sakratar Kemierana, piša Independent, nie zmoh apieratyŭna prakamientavać videa.
