Biełaruś choča zaklučyć ź ES novaje pahadnieńnie dla raźvićcia adnosin. Pra heta ŭ efiry telekanała «Biełaruś 1» zajaviŭ ministr zamiežnych spraŭ Biełarusi Uładzimir Makiej.
president.gov.by
«My pavinny damahčysia taho, kab pačać vybudoŭvać adnosiny ź Jeŭrasajuzam u budučyni na asnovie novaha dakumienta pamiž Biełaruśsiu i ES. Siońnia my raźvivajem naša supracoŭnictva na asnovie tych pahadnieńniaŭ, jakija byli zaklučany pamiž SSSR i Jeŭrapiejskaj ekanamičnaj supolnaściu», - rastłumačyŭ Uładzimir Makiej.
Ministr nahadaŭ, što Biełaruś zaŭsiody vystupała za raŭnapraŭny i paŭnavartasny dyjałoh z zachodnimi partniorami — ES i ZŠA. Kančatkovym krokam pry hetym pavinna stać poŭnaja admiena abmiežavalnych mier, jakija b vyvieli supracoŭnictva na zusim novy ŭzrovień. «Nijakich novych umoŭ dla admieny sankcyj być nie pavinna», - dadaŭ jon.
