Uviečary ŭ niadzielu Saudaŭskaja Aravija abjaviła pra razryŭ dypłamatyčnych adnosin ź Iranam. Er-Ryjad daŭ iranskamu pasłu 48 hadzin na vyjezd z krainy.
Učora ŭ stalicy Irana demanstranty zakidali kamniami i kaktejlami Mołatava pasolstva Saudaŭskaj Aravii. Heta była reakcyja šyitaŭ-irancaŭ na pakarańnie ŭ Aravii śmierciu šyickaha imama, abvinavačanaha ŭ teraryźmie.
Pakarańnie imama Al-Nimra raspačało novy vitok supraćstajańnia najbahaciejšaj sunickaj i najbolšaj šyickaj dziaržaŭ.
Iranskija ŭłady paabiacali, što Saudaŭskuju Araviju čakaje «Božaja kara». Tehieran i Er-Ryjad užo i raniej viali zmahańnie za Siryju i Jemien.
Nie vyklučana, što Er-Ryjad budzie sprabavać asłabić Iran źbivajučy ceny na naftu, bo sabiekošt zdabyčy ŭ Iranie vyšejšy, čym u Saudaŭskaj Aravii.
