U 2016 hodzie biełarusam nie varta čakać pavyšeńnia piensijnaha ŭzrostu. Pra heta na pres-kanfierencyi siońnia zajaviła pradstaŭnica Ministerstva pracy i sacyjalnaj abarony.
«Kazać pra toje, što piensijny ŭzrost buduć pavyšać ŭ 2016 hodzie rana», — skazała namieśnik načalnika hałoŭnaha ŭpraŭleńnia piensijnaha zabieśpiačeńnia minpracy i sacabarony Łarysa Jaškova.
Jak viadoma, u ministerstvie razhladajuć niekalki varyjantaŭ piensijnaj reformy. Pa słovach namieśnika premjer-ministra Natalli Kačanavaj, pavyšeńnie piensijnaha ŭzrostu niepaźbiežna, ale rabić heta treba tolki pry zhodzie nasielnictva.
— Vy ŭsio čuli słovy prezidenta, što biez zhody voli naroda, biez hatoŭnaści da pavyšeńnia piensijnaha ŭzrostu, pavyšeńnia nie budzie. Ale ekanamičnuju nieabchodnaść ŭsie ekanamisty pryznajuć, — zajaviŭ raniej u parłamiencie pieršy namieśnik ministra pracy i sacyjalnaj abarony Andrej Łabovič.
