BiełTA
Kaladny mižnarodny turnir amataraŭ chakieja na pryz prezidenta Biełarusi nabyŭ šyrokuju papularnaść. Pra heta siońnia zajaviŭ kiraŭnik dziaržavy Alaksandr Łukašenka, adkryvajučy 12-ja spabornictvy ŭ spartyŭnym kompleksie «Čyžoŭka-Arena».
«Hetyja spabornictvy ŭžo stali svojeasablivaj vizitnaj kartkaj našaj dziaržavy, nabyli šyrokuju papularnaść u mnohich krainach, staŭšy nieaficyjnym čempijanatam śvietu pa chakiei siarod amataraŭ», - adznačyŭ Alaksandr Łukašenka.
Za hałoŭny trafiej ciapierašniaha turniru buduć zmahacca pradstaŭniki Biełarusi, Hiermanii, Abjadnanych Arabskich Emirataŭ, Rasii, Słavakii, Finlandyi, Šviejcaryi, Šviecyi.
Łukašenka taksama vykazaŭ upeŭnienaść, što ciapierašnija spabornictvy stanuć nie tolki jarkim i vidoviščnym śviatam, ale i škołaj majsterstva dla socień junych spartsmienaŭ. Kiraŭnik dziaržavy ad usioj dušy pavinšavaŭ udzielnikaŭ turniru i zaŭziataraŭ z Novym hodam i Kaladami.
«I chaj pieramoža najmacniejšy!» — dadaŭ Alaksandr Łukašenka.
Kamanda kiraŭnika Biełarusi vosiem razoŭ pieramahała na turniry, kamanda Rasii — trojčy, u tym liku ŭ minułym hodzie.
