Premjer-ministr Rasii Dźmitryj Miadźviedzieŭ padpisaŭ pastanovu ab pamiery pošliny pry pastaŭkach hazu va Ukrainu na pieršy kvartał 2016 hoda, paviedamlajuć infarmahienctvy. U vyniku źnižka na haz dla Ukrainy vyrasła amal u 2 razy.
Kantraktnaja cana na pieršy kvartał składaje $230 za tys. kubamietraŭ. Pamier źnižki da kantraktnaj cany roŭny vieličyni ekspartnaj pošliny i składzie $51,2 za tys. kubamietraŭ. U vyniku prapanavanaja cana dla Ukrainy na pieršy kvartał 2016 hoda — amal $178,7 za tys. kubamietraŭ.
U kancy listapada 2015 hoda «Hazpram» spyniŭ pastaŭki hazu va Ukrainu paśla taho, jak Kijeŭ pierastaŭ płacić za rasijskaje paliva. U svaju čarhu ministr enierhietyki i vuhalnaj pramysłovaści Ukrainy Uładzimir Dziamčyšyn zajaviŭ, što Ukraina budzie zakuplać haz u Rasii ŭ pieršym kvartale 2016 hoda tolki pry źnižeńni cany da ŭzroŭniu mienš jak $200 za 1 tys. kub.m.
