Kiraŭnik samaabvieščanaj «Łuhanskaj narodnaj respubliki» Ihar Płatnicki zajaviŭ, što ŭsie ŭziatyja padkantrolnymi jamu siłami ŭ pałon ukrainskija vajskoŭcy buduć adpuščanyja dadomu.
«Napiaredadni i ŭ honar Rastva Chrystova — ja daŭ ukazańnie: adpuścić dadomu pałonnych-vajskoŭcaŭ USU [Uzbrojenych sił Ukrainy], jakija znachodziacca na terytoryi ŁNR», — havorycca ŭ zajavie Płatnickaha, jakoje cytuje «Łuhanski infarmacyjny centr».
Abmien pałonnymi pa formule «ŭsich na ŭsich» pamiž kanfliktujučymi bakami na ŭschodzie Ukrainy ŭ adpaviednaści ź Minskimi damovami źjaŭlajecca adnoj z abaviazkovych častak urehulavańnia kanfliktu.
Napiaredadni novaha hoda dziejańnie Minskich pahadnieńniaŭ było padoŭžanaje na 2016 hod.
