Časovyja numarnyja znaki, forma jakich vyznačajecca pastanovaj MUS numar 343 ad 24 listapada 2015 hoda, źjaviacca ŭ Biełarusi z 14 lutaha 2016 hoda i nie stanuć zamienaj tranzitnym rehistracyjnym znakam, paviedamiła staršy inśpiektar pa asablivych daručeńniach upraŭleńnia Dziaržaŭnaj aŭtamabilnaj inśpiekcyi MUS Hanna Banadyk.
«Hetyja numarnyja, prašu zaŭvažyć, nie rehistracyjnyja znaki ŭvodziacca dla taho, kab vadzicieli tolki što nabytych transpartnych srodkaŭ — vyrablenych u Biełarusi abo nie vyrablenych, ale raniej nie zarehistravanych u našaj krainie — mahli biaspłatna prajechać pa płatnych trasach da miesca dziaržaŭnaj rehistracyi. Novy vid numaroŭ buduć vydavać aŭtadylery i biełaruskija zavody, jakija vyrablajuć aŭtamabili. Važna razumieć, što časovyja numarnyja znaki nie źjaŭlajucca zamienaj tranzitnych rehistracyjnych znakaŭ», — skazała Hanna Banadyk.
Pradstaŭnik DAI nahadała, što «tranzity» vydajucca na transpartnyja srodki, jakija zdymajucca z uliku, i dziejničajuć try miesiacy, a časovyja znaki nieabchodna zdać u DAI pry dziaržaŭnaj rehistracyi nabytaha transpartnaha srodku, što treba zrabić na praciahu 10 dzion. Źviestki ab hetych numarach nie buduć unosicca ŭ bazu DAI, a ich ulik buduć vieści vytvorcy i pradaŭcy transpartnych srodkaŭ. Źviestki ab vydadzienych časovych numarnych znakach pavinny zachoŭvacca nie mienš jak try hady. «Heta faktyčna časovy dopusk da ŭdziełu ŭ darožnym ruchu dla transpartnych srodkaŭ, jakija raniej nie znachodzilisia na ŭliku», — udakładniła Hanna Banadyk.
