Śvisłackim rajonnym adździełam Śledčaha kamiteta Biełarusi raspačataja sprava pa fakcie parušeńnia praviłaŭ pažarnaj biaśpieki, što paciahnuła ŭźniknieńnie pažaru, i ŭčynienaha paŭtorna parušeńnia na praciahu hoda paśla anałahičnaha pravaparušeńnia (č. 1 art. 304 KK).
Jak paviedamiŭ aficyjny pradstaŭnik upraŭleńnia SK pa Hrodzienskaj vobłaści Siarhiej Šaršanievič, 5 śniežnia 2015 hoda kala 16 hadzin u Śvisłačy da 54-hadovaha mužčyny, jakija nidzie nie pracuje i žyvie ŭ pryvatnym domie, zajšoŭ susied, pačuŭšy hukavy sihnał aŭtanomnaha pažarnaha paviedamlalnika. U domie jon znajšoŭ na kanapie haspadara doma, kala jakoha hareli paścielnyja pryłady. Mužčyna apieratyŭna patušyŭ ahoń i vynies u dvor haspadara, jaki byŭ u stanie nieprytomnaści. Miedycynskija rabotniki, jakija prybyli na miesca zdareńnia, špitalizavali paciarpiełaha z apiokami I—II stupieni (2% cieła) i atručeńniem praduktami hareńnia va ŭstanovu achovy zdaroŭja. Akramia taho, kanstatavali ŭ pacyjenta stan ałkaholnaha apjanieńnia.
Pa vynikach ahladu miesca zdareńnia i inšych śledčych dziejańniaŭ ustanoŭlena, što pryčynaj pažaru źjaviłasia nieaściarožnaść pry kureńni ŭ łožku. Akramia taho, vyśvietliłasia, što paciarpieły ŭ lutym 2015 hoda ŭžo pryciahvaŭsia da administracyjnaj adkaznaści za parušeńnie zakanadaŭstva ab pažarnaj biaśpiecy. Tady, znoŭ ža pa pryčynie kureńnia ŭ łožku, ahniom byŭ źniščany dach i paškodžana pierakryćcio jaho doma. Sam mužčyna atrymaŭ apioki II stupieni (5% cieła). Za dapuščanaje pravaparušeńnie jon karaŭsia štrafam u pamiery 30 bazavych vieličyń.
Uličvajučy fakt paŭtornaści parušeńnia praviłaŭ pažarnaj biaśpieki na praciahu hoda, raspačata kryminalnaja sprava.