U Biełarusi buduć dyfierencyravany taryfy na pasłuhi pa techabsłuhoŭvańni žyłych damoŭ. Pry hetym jany buduć raździeleny na try samastojnyja: techničnaje absłuhoŭvańnie, prybirańnie dapamožnych pamiaškańniaŭ i aśviatleńnie padjezdaŭ. Ab hetym havorycca va ŭkazie prezidenta № 535 ad 31 studzienia 2015 hoda «Ab pradastaŭleńni žyllova-kamunalnych pasłuh».
Jak paviedamlaje pres-słužba kiraŭnika dziaržavy, «heta dazvolić adkazać na pytańnie ab realnym košcie pasłuhi i pierajści na dyfierencyravanyja taryfy ŭ zaležnaść ad kamfortnaści doma, jaho paviarchovaści». «Taki padychod pavysić uzrovień kampiensavańnia zatrat nasielnictvam amal da 80% biez faktyčnaha pavyšeńnia koštu hetaj pasłuhi. U vyniku ekanamičny efiekt budzie dasiahnuty za košt prazrystaści zatrat na techničnaje absłuhoŭvańnie žyłych damoŭ praz farmiravańnie koštu absłuhoŭvańnia 1 kv. mietra na asnovie technałahičnych kart pa sieryjach damoŭ, a taksama asnaščeńnia žyłych damoŭ enierhaekanomnym abstalavańniem», — skazana ŭ kamientary pres-słužby.
Akramia taho, realizacyja ŭkaza № 535, adznačajecca ŭ paviedamleńni, «zabiaśpiečyć svoječasovaje i rytmičnaje finansavańnie arhanizacyj ŽKH, što dazvolić abaranić ich u častcy svoječasovych raźlikaŭ biudžetu za pasłuhi, a taksama vyklučyć vypadki, kali vykankamy skaračajuć zapłanavanyja hadavyja abjomy finansavańnia na rekanstrukcyju, madernizacyju i kapitalny ramont abjektaŭ ŽKH». Normy dakumienta abaviazvajuć utrymlivać niaprofilnyja abjekty tolki na płatnaj asnovie, a nie za košt pasłuh, jakija akazvajucca nasielnictvu.
Taksama ŭkaz dazvalaje pierajści z centralizavanaha ciepłazabieśpiačeńnia žyllovaha fondu na indyvidualnaje aciapleńnie ŭ vypadkach, kali pieršy varyjant ekanamična niavyhadny. Dakumientam rehłamientavany paradak takoha pierachodu, jon budzie pravodzicca za košt biudžetu.
Akramia taho, 31 śniežnia Alaksandr Łukašenka padpisaŭ jašče adzin ukaz — № 536. Jon ŭzmacniaje žorstkaść patrabavańniaŭ da prafiesijnaj kvalifikacyi staršyń tavarystvaŭ ułaśnikaŭ i arhanizacyj zabudoŭščykaŭ, pašyraje paŭnamoctvy miascovych orhanaŭ ułady «pa prymianieńni mier uździejańnia da niadobrasumlennych staršyń», vyklučaje «mahčymaść pryniaćcia rašeńniaŭ mienšaściu ŭłaśnikaŭ nasupierak intaresam bolšaści». Na dumku raspracoŭščykaŭ ukaza, jaho realizacyja «dazvolić uparadkavać dziejnaść tavarystvaŭ ułaśnikaŭ, arhanizacyj zabudoŭščykaŭ, paciahnie źnižeńnie zatrat na akazańnie žyllova-kamunalnych pasłuh, zabiaśpiečyć sistemny padychod da kiravańnia ŽKH».
