Pa vynikach śniežnia 2015 h. zołatavalutnyja reziervy Biełarusi skaracilisia na 408,2 młn dołaraŭ ZŠA i na 1 studzienia 2016 h. skłali 4,176 młrd dałaraŭ.
Źnižeńnie abjomu zołatavalutnych reziervaŭ u śniežni 2015 h. było abumoŭlena pahašeńniem Biełaruśsiu źniešnich i ŭnutranych abaviazacielstvaŭ u zamiežnaj valucie ŭ poŭnym abjomie, havorycca ŭ paviedamleńni Nacbanka.
U cełym pa vynikach 2015 hoda zołatavalutnyja reziervy Biełarusi skaracilisia na 883,3 młn. dalaraŭ ZŠA, u nacyjanalnym vyznačeńni – na 1 248,4 młn dołaraŭ ZŠA.
Padtrymańniu ŭzroŭniu zołatavalutnych reziervaŭ spryjała refinansavańnie valutnych abaviazacielstvaŭ Ministerstvam finansaŭ i Nacyjanalnym bankam šlacham vypusku valutnych ablihacyj i pryciahnieńnia kredytnych resursaŭ u ahulnym abjomie kala 3,8 młrd dalaraŭ ZŠA.
Akramia taho, padtrymańniu mižnarodnych reziervovych aktyvaŭ spryjała čystaja kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža» ŭ sumie 230 młn dołaraŭ ZŠA, jakaja sfarmiravałasia ŭ vyniku pieravyšeńnia prapanovy valuty nad popytam na jaje na ŭnutranym valutnym rynku.
U 2016 hodzie dla padtrymańnia zołatavalutnych reziervaŭ urad i Nacbank abiacajuć pravodzić zbałansavanuju makraekanamičnuju palityku.