Viadomy biełaruski śpiavak uviečary 6 studzienia vystupiŭ u Baranavičach.
Viktar Šałkievič vykanaŭ dla prysutnych niekalki svaich starych i novych piesień dy raskazaŭ, što dobra viedaŭ Viktara Syrycu, jaki nie tak daŭno niečakana adyšoŭ ad nas.
— Heta byŭ vielmi viasioły i prystojny čałaviek, ja pamiataju jaho apranutaha ŭ šlachiecki stroj, z šablaj, padčas śviatkavańnia Miłavidskaj bitvy, — raskazaŭ bard. — Dla mianie spadar Syryca nie pamior, jak padajecca, i dla kožnaha z prysutnych. Pakul my žyvyja, žyvaja i pamiać pra jaho!