Prezident Katałonii Artur Mas abviaściŭ pra svoj sychod z pasady: palityk spadziajecca, što jaho zamienić mer Žyrony Karles Pučdemon, jakomu ŭdasca sfarmavać kaalicyjny ŭrad rehijona.
Pryčynaj sychodu Masa, jaki kiravaŭ «ekanamičnym matoram» Ispanii z 2010 hoda, stali supiarečnaści pamiž partyjami «Kandydaty narodnaha adzinstva» i «Razam za «Tak» — pry tym, što abiedźvie palityčnyja siły zmahajucca za niezaležnaść Katałonii.
Tym nie mienš, abiedźvie partyi nie mohuć damovicca pra lidara kaalicyi ź vieraśnia, kali «Razam za «Tak» atrymała 62 z 135 miescaŭ u rehijanalnym parłamiencie.
Kali b palityčnyja siły nie damovilisia da paniadziełka, katałoncaŭ čakali b daterminovyja vybary.
Niahledziačy na roznahałośsi, u listapadzie bolšaść katałonskich parłamientaryjaŭ vykazalisia za adździaleńnie pravincyi ad Ispanii, adnak Madryd vykazaŭ hatoŭnaść vykarystoŭvać paŭnamoctvy kanstytucyjnaha suda i inšyja jurydyčnyja mahčymaści dla błakavańnia stvareńnia niezaležnaj Katałonskaj dziaržavy.