10 studzienia kala 20.30 hadzin ŭ Frunzienskaje RUUS Minska pastupiła paviedamleńnie ad žychara doma №64 pa praśpiekcie Puškina, što jaho susied pahražaje padarvać dom. Paśla svarki z susiedziami, mužčyna prademanstravaŭ samarobnuju pryładu, padobnuju na vybuchovuju, i vykazaŭ namier pryvieści jaje ŭ dziejańnie, paviedamlaje pres-słužba minskaj milicyi.

Na miesca zdareńnia nakiravaŭsia bližejšy narad milicyi, jaki i zatrymaŭ padazravanaha. Žychary susiednich kvater byli evakujavanyja. Sapiorna-piratechničnaj hrupaj mierkavanaje vybuchovaje prystasavańnie było abiasškodžana.

Padčas ahladu miesca zdareńnia śledča-apieratyŭnaj hrupaj kanfiskavanyja pistalet i strelba dla padvodnaha palavańnia, 200 h porachu, šeść miašočkaŭ sa šrotam, kala 200 spartyŭna-palaŭničych patronaŭ kalibru 5,6 mm i bolš za 130 kapsulaŭ.

Zhodna ź miedycynskim ahladam, zatrymany znachodziŭsia ŭ stanie ałkaholnaha apjanieńnia.

Vyśvietliłasia, što 62-hadovy minčanin nidzie nie pracuje, pražyvaje adzin. Raniej źjaŭlaŭsia palaŭničym, adnak niekalki hadoŭ tamu termin dziejańnia adpaviednaj licenzii minuŭ.

Pa zaklučeńni śpiecyjalistaŭ Dziaržaŭnaha kamiteta sudovych ekśpiertyz, vyjaŭlenyja patrony źjaŭlajucca bojeprypasami da ahniastrelnaj zbroi.

Zaviedziena kryminalnaja sprava, jamu pahražaje da siami hadoŭ pazbaŭleńnia voli.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?