U Azierbajdžanie źniataja zabarona na prodaž za najaŭnyja śpirtnych napojaŭ, a taksama aptovy prodaž tytuniovych vyrabaŭ, skazaŭ 12 studzienia namieśnik ministra pa padatkach Sachib Alekpieraŭ u efiry dziaržaŭnaha telekanała AzTV. Pra heta paviedamlaje Trend.

«Rašeńnie ab źniaćci zabarony na prodaž śpirtnych napojaŭ za najaŭnyja było pryniata ŭ vyniku šmatlikich zvarotaŭ pradprymalnikaŭ. Razam z tym nijakich prablem u nabyćci ałkaholu pry dapamozie płastykavych kart nie budzie. U Azierbajdžanie jość dastatkovaja kolkaść POS-terminałaŭ i bolš za 6 młn płastykavych kart. U handlovych abjektach i ustanovach hramadskaha charčavańnia ŭstanoŭlena bolš za 86 tys. POS-terminałaŭ, i ŭ vypadku nieabchodnaści my možam ŭstalavać dadatkovyja terminały», — skazaŭ Alekpieraŭ.

Jon adznačyŭ, što ŭ pieršuju čarhu da pierachodu na bieznajaŭny raźlik pavinna być hatova samo nasielnictva, i hety sposab apłaty treba prasoŭvać. «Što tyčycca pytańnia nabyćcia śpirtnych napojaŭ pa bieznajaŭnym raźliku, to nijakich prablem u hetym pracesie nie było, byli tolki pytańni, źviazanyja z dakumientacyjaj. Tamu, pakolki dadzieny praces zajmaje peŭny čas, da nas, prezidenta Azierbajdžana Ilchama Alijeva pastupili zvaroty z prośbaj časova prypynić dziejańnie zakona, pakul budzie zavieršany praces dakumientavańnia», — skazaŭ Sachib Alekpieraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?