«Kultura źjaŭlajecca padmurkam, na jakim farmirujecca i raźvivajecca lubaja nacyja, vyznačajecca jaje žyćciazdolnaść i tvorčy patencyjał», — zajaviŭ Alaksandr Łukašenka 12 studzienia, uručajučy premii prezidenta «Za duchoŭnaje adradžeńnie», śpiecyjalnyja premii dziejačam kultury i mastactva, a taksama śpiecyjalnyja premii «Biełaruski spartyŭny Alimp».

«Kultura lažyć u asnovie ideałohii dziaržaŭ, pakazvajučy tyja napramki i mety, na jakija aryjentujecca hramadstva, — cytuje Łukašenku jaho pres-słužba. — Heta šmathrannaja źjava, jakaja achoplivaje mnohija śfiery žyćcia, u tym liku pracoŭnuju dziejnaść, uładkavańnie pobytu, staŭleńnie da pryrody, navakolnaha śvietu i rodnaha kraju». Jon zajaviŭ, što «biez udumlivaha, mudraha staŭleńnia da žyćcia, biez maralnych kryteryjaŭ, zasnavanych na šmatviakovym vopycie prodkaŭ, niemahčyma pabudavać stabilnuju i paśpiachovuju dziaržavu».

Łukašenka ŭ čarhovy raz padkreśliŭ, što ciapier «niaprosty, vielmi tryvožny čas». «Ja vielmi časta pra heta kažu, i paviercie, niezdarma. Najhłybiejšy duchoŭny kryzis achapiŭ mnohija krainy. I jak vynik: u roznych kutkach Ziamli destruktyŭnyja siły robiać sproby złamać sistemu tradycyjnych kaštoŭnaściaŭ. Ahresiŭnyja napadki na asnovy marali robiacca adnoj sa złaviesnych prykmiet sučasnaści», — zajaviŭ jon.

Łukašenka ličyć, što «vysokija technałohii, niebyvałaja ŭ historyi chutkaść kamunikacyj i hłabalizacyja nie dapamahli ludziam stać bližej adzin da adnaho», a jakraz naadvarot — «u lichich rukach usio heta pieratvarajecca ŭ srodak manipulacyi śviadomaściu, u instrumient raspalvańnia varožaści», paviedamlaje pres-słužba.

«Na žal, užo bačnyja horkija płady takoj palityki. Adprečvajucca instytut siamji, kaštoŭnaść čałaviečaha žyćcia, sacyjalnaja spraviadlivaść. Ehacentryzm, ŭsiodazvolenaść i karystalubstva vyrakajuć asobu i hramadstva na poŭnuju dehradacyju», — zajaviŭ kiraŭnik dziaržavy.

«Jašče niadaŭna zdavałasia, što svaboda dziela svabody zrobić čałavieka bolš ščaślivym. Ale admova ad maralnych samaabmiežavańniaŭ pryviała da nievyrašalnych supiarečnaściaŭ, zaciažnych krovapralitnych kanfliktaŭ i vojnaŭ», — padkreśliŭ biełaruski kiraŭnik.

Na jaho dumku, «biazdumnyja adnosiny da navakolnaha asiarodździa pastavili čałaviectva na hrań ekałahičnaj katastrofy».

«Samo žyćcio daje nam čarhovy ciažki, ale važny ŭrok, — zaznačyŭ Łukašenka. — My pavinny zrazumieć: toje, što nie maje hłybokaj maralnaj asnovy, ni ŭ jakim razie nie moža prynieści karyść ni ludziam, ni hramadstvu ŭ cełym. Bo jašče apostał Pavieł kazaŭ: «Usio mnie dazvolena, ale nie ŭsio na karyść».

«Sučasnyja realii takija, što mienavita zhurtavanaść nacyi vakoł sapraŭdnych, stvaralnych kaštoŭnaściaŭ źjaŭlajecca harantyjaj jaje zachavańnia i prahresu, duchoŭnaha zdaroŭja i dabrabytu», — reziumavaŭ kiraŭnik dziaržavy.

Padčas uručeńnia premij Łukašenka paviedamiŭ, što hetaj cyrymonijaj jon adkryŭ mierapryjemstvy Hoda kultury, jakim u Biełarusi abjaŭleny 2016 hod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?