Rašeńnie ab rassyłcy SMS z prośbaj rasčyścić śnieh prymała kamisija pa nadzvyčajnych situacyjach pry Minharvykankamie, paviedamiŭ pres-sakratar Minskaha haradskoha ŭpraŭleńnia Ministerstva pa nadzvyčajnych situacyjach Vital Demboŭski.
«Było rašeńnie kamisii pa nadzvyčajnych situacyjach, paśla čaho jano było adpraŭlena mabilnym apierataram», — skazaŭ jon.
Tekst paviedamleńnia, pavodle słoŭ Demboŭskaha, taksama składaŭsia kamisijaj i byŭ razasłany apierataram. U pryvatnaści, na mabilnyja telefony minčan z numara 101 prychodziać paviedamleńni z tekstam: «Pierakanaŭča prosim prybrać śnieh z mašynamiescaŭ i ŭ dvarach. Harvykankam».
U toj ža čas pradstaŭnik minskaha ŭpraŭleńnia MNS adznačyŭ, što minčanie pačali telefanavać na liniju 101 z dadatkovymi pytańniami ab SMS i prośbie harvykankama, što abciažarvaje pracu słužby. U MNS nahadvajuć, što linija 101 pryznačana tolki dla ekstrannych zvankoŭ.
U pres-słužbach mabilnych apierataraŭ «MTS» i velcom paviedamili, što hetyja SMS apieratary rassyłajuć biaspłatna. U vybarku trapili tolki abanienty ź Minska.
