Zadača drukavanaj presy — navučyć ludziej dumać i analizavać padziei. Takoje mierkavańnie vykazaŭ siońnia žurnalistam pierad pačatkam jubilejnaj kanfierencyi, pryśviečanaj 95-hodździu z dnia vychadu pieršaha numara «Sielskoj haziety», namieśnik kiraŭnika Administracyi Prezidenta Biełarusi Ihar Buzoŭski.
Buzoŭski ŭ centry
«Zadača drukavanaj haziety — dać čytaču značna bolš, čym prostaje zadavalnieńnie patreby ŭ infarmacyi. Drukavanaje słova pavinna farmiravać u ludziej razumieńnie taho, što nieabchodna i dumać, i razvažać, a nie prosta spažyvać infarmacyju», — padkreśliŭ Ihar Buzoŭski.
Namieśnik kiraŭnika Administracyi prezidenta Biełarusi adznačyŭ, što zadača i dziaržavy ŭ tym liku nie dapuścić, kab drukavanaje słova źnikła, kab haziety syšli z rynku.
«Z adnaho boku, my pavinny analizavać toje, što adbyvajecca ŭ infarmacyjnaj prastory, ale ź inšaha boku, pavinny jaho kaardynavać i rehulavać. U hetaj halinie i pavinna być zadača — nie dapuścić, kab drukavanaje słova źnikła», — kanstatavaŭ jon.
