U Minsku vyznačylisia z novymi taryfami na absłuhoŭvańnie lifta, uborku padjezdaŭ i aśviatleńnie miescaŭ ahulnaha karystańnia, cytuje BiełTA paviedamleńnie partału kamunalnaj piśmiennaści ŽKH.

Płaciažy buduć adroźnivacca ŭ zaležnaści ad pavierchavaści damoŭ, stupieni dobraŭparadkavańnia, naprykład, najaŭnaści śmiećciepravodaŭ i dadatkovych leśvic, a taksama ad taho, ci zachočuć sami žychary zekanomić.

Uborka padjezdaŭ

Košt pasłuh pa sanitarnym utrymańni dapamožnych pamiaškańniaŭ, zaležyć ad płoščy leśvičnych placovak i najaŭnaści śmiećciepravoda. U jakaści prykładu razhledzim dvuchpakajovuju kvateru płoščaj 48 kvadratnych mietraŭ. Žychary 5—paviarchovych damoŭ bieź śmiećciepravoda buduć płacić u siarednim Br15—16 tys. za miesiac. U 9-19-paviarchovych damach sa śmiećciepravodam — Br23—24 tys. Kali ŭ domie praduhledžanyja jašče adny, niezadymlalnyja schody, taryf pavialičycca jašče na 30—40%.

Adznačym, što dadzienyja taryfy aktualnyja, kali padjezd budzie prybirać ŽES. Ale žychary kožnaha padjezda majuć prava admovicca ad pasłuhi pa sanitarnym utrymańni dapamožnych pamiaškańniaŭ (za vyklučeńniem dezinfiekcyi, dezinsiekcyi i deratyzacyi). Dla hetaha treba pravieści schod i pryniać rašeńnie ab samastojnaj pryborcy abo naniać pryvatnuju firmu, jakaja akaža padobnuju pasłuhu. Adzin niuans — rašeńnie pavinna być pryniata adnahałosna, a hety fakt zafiksavany ŭ pratakole. Paśla čaho zastajecca adnieści ŭ ŽES kopiju pratakoła.

Płata za lift

Zamiest płaty za karystańnie liftam ŭ žyroŭkach źjaŭlajucca dźvie samastojnyja hrafy: techabsłuhoŭvańnie lifta i apłata enierhii na jaho ruch. Z 1 studzieni 2016 hoda taryf na techabsłuhoŭvańnie lifta składzie Br617 na kvadratny mietr ahulnaj płoščy žyłoha pamiaškańnia.

Vydatki na siłavuju enierhiju pa vynikach minułaha hoda ŭ horadzie składali ad Br6 tys. da Br10 tys. Z kožnaha žychara, a ŭ siarednim Br6,8 tys. z kožnaha zarehistravanaha ŭ kvatery za miesiac. Taryf na techabsłuhoŭvańnie žyłych damoŭ u Minsku składaje Br994,9 z kvadratnaha mietra žyłpłoščy pry sabiekošcie Br1,155.

Aśviatleńnie miescaŭ ahulnaha karystańnia

Za śviatło ŭ padjezdach taksama pryjdziecca płacić asobna. U siarednim na kvadratny mietr žyłpłoščy raschodujecca kala Br200. Ale na hetaj pasłuzie možna zekanomić, naprykład, zamianić zvyčajnyja lampački na źbierahalnyja, abo navat ŭstalavać datčyki, jakija reahujuć na ruch, jakija buduć uklučać elektraenierhiju ŭ prysutnaści ludziej i vyklučać, kali na placoŭcy abo ŭ padjeździe nikoha nie budzie.

Z 2016 hoda ŭ Minsku padaražeje vada i vyvaz śmiećcia

Subsidyravany taryf na vodazabieśpiačeńnie i kanalizacyju pavialičvajecca z Br2,5 tys. da Br8,9 tys. za kubičny mietr, vyvaz śmiećcia budzie kaštavać ad Br51,1 tys. za kub da Br53,9 tys.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?