Prezident Jeŭrapiejskaj rady Donald Tusk papiaredziŭ, što ŭ Jeŭrasajuza zastałosia nie bolš za dva miesiacy na toje, kab uziać pad kantrol situacyju ź mihrantami, inakš Šenhienskamu pahadnieńniu pryjdzie kaniec.

Raniej u intervju italjanskaj haziecie Stampa premjer-ministr Niderłandaŭ Mark Rute zajaviŭ, što nastupnyja dva-try miesiacy stanuć dla ES vyznačalnymi, bo Jeŭropa nie zmoža spravicca z takim napłyvam mihrantaŭ, jak u minułym hodzie.

«Sakavickaje pasiadžeńnie Jeŭrapiejskaj rady stanie apošnim šancam zrazumieć, ci pracuje naša stratehija, — skazaŭ Tusk, adznačyŭšy, što padzialaje aściarohi Rute. — Kali nie, my sutykniomsia z sumnymi nastupstvami, takimi jak razvał Šenhienskaj zony. Zrazumieła, hetaja alternatyva našaj stratehii biazradasnaja, tamu ja zaklikaju krainy-siabry ŭ poŭnaj miery realizavać stratehiju».

Na minułym tydni aŭstryjski kancler Viernier Fajman zajaviŭ ab časovym prypynieńni dziejańnia Šenhienskaha pahadnieńnia. U miežach baraćby ź mihracyjnym kryzisam pamiežniki atrymali ŭkazańnie praviarać dakumienty va ŭsich, chto pierasiakaje miažu Aŭstryi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?