U navahodniuju noč napady na žančyn pa «kiolnskim scenary» adbylisia ŭ 12 ziemlach Hiermanii. Pra heta paviedamiła 23 studzienia Fiederalnaje viedamstva pa kryminalnych spravach, piša Deutsche Welle.

Jak adznačajecca ŭ spravazdačy palicyi, pierš za ŭsio havorka idzie pra kradziažy i seksualnyja złačynstvy.

Palicyja taksama śćviardžaje, što ni ŭ adnym z vypadkaŭ niama faktaŭ, jakija pakazvajuć na arhanizavanaść złačynnych dziejańniaŭ.

Bolšaja častka zajavaŭ ad paciarpiełych — bolš za tysiaču — pastupiła ŭ palicyju fiederalnaj ziamli Paŭnočny Rejn-Viestfalija, u asnoŭnym u Kiolnie, Dziusieldorfie i Bilefieldzie. U Hamburhu było padadziena ŭ palicyju bolš za 200 zajavaŭ. Chvala pravaparušeńniaŭ u mienšaj stupieni zakranuła fiederalnyja ziemli Hiesen, Bavaryja, Baden-Viurtembierh, Bremien.

Achviarami napadaŭ praktyčna va ŭsich vypadkach byli žančyny, a napadnikami — mužčyny va ŭzroście ad 17 da 30 hadoŭ. Siarod padazravanych, pavodle spravazdačy, — 12 hramadzian Hiermanii i 60 hramadzian inšych krain, siarod jakich Ałžyr, Irak, Afhanistan, Siryja.

Клас
0
Панылы сорам
0
Ха-ха
0
Ого
0
Сумна
0
Абуральна
0