U pačatku lutaha aktyŭnyja paŭnočnaatłantyčnyja cykłony praciahnuć pastaŭlać u Biełaruś sahretaje Halfstrymam akijaničnaje pavietra. Trajektoryi ich zrušeńnia buduć pralahać praz krainy Skandynavii, a praź Biełaruś buduć prachodzić atmaśfiernyja franty. Nadvorje zastaniecca anamalna ciopłym, siaredniaja tempieratura čakajecca na 9—10 hradusaŭ vyšej za normu.

Fota Anžalika Vasileŭskaja, Tut.by

Fota Anžalika Vasileŭskaja, Tut.by

Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.

Pieršaja pałova čakajecca nie tolki ciopłaj i syroj, ale jašče i vietranaj.

U aŭtorak, 2 lutaha, časam apadki — mokry śnieh, doždž. Na asobnych učastkach daroh hałalodzica. Nočču i ranicaj miescami słabyja tuman i hałalod. Na bolšaj častcy terytoryi ŭzmacnieńnie vietru paryvami da 15—20 m/s. Tempieratura pavietra minimalnaja nočču -3 — +2°S, maksimalnaja dniom 3 + 8°S, pa paŭdniovym zachadzie da + 10°S.

U sieradu, 3 lutaha, na bolšaj častcy terytoryi karotkačasovyja apadki — mokry śnieh, doždž. Nočču miescami na darohach hałalodzica. U mnohich rajonach uzmacnieńnie vietru paryvami da 15-22 m/s. Tempieratura pavietra na praciahu sutak 1 + 6°S, dniom pa paŭdniovym uschodzie da + 8°S.

Pačynajučy z čaćviarha, 4 lutaha, viecier pačnie ścichać i ŭstalujecca bolš spakojnaje nadvorje. Časam čakajucca nievialikija apadki, u asnoŭnym mokry śnieh. Nočču i ranicaj u asobnych rajonach słaby hałalod, na darohach hałalodzica. Miescami ŭzmacnieńnie vietru paryvami da 15-18 m/s. Tempieratura pavietra minimalnaja nočču -3 — +3°S, maksimalnaja dniom 0 — + 5°S.

5 lutaha, u piatnicu, časam mokry śnieh, doždž. Miescami tuman, nočču i ranicaj u asobnych rajonach słaby hałalod, na darohach hałalodzica. Tempieratura pavietra minimalnaja nočču -4, + 2 ° S, maksimalnaja dniom -1, + 4 ° S.

U vychadnyja apadkaŭ budzie niašmat, a nadvorje čakajecca ciopłym.

U subotu, 6 lutaha, miescami projdzie karotkačasovyja apadki (mokry śnieh, jaki budzie pierachodzić u doždž). U asobnych rajonach tuman, nočču i ranicaj słaby hałalod, na darohach hałalodzica. Tempieratura pavietra minimalnaja nočču -5 — + 2°S, maksimalnaja dniom 0 — + 7°S.

U niadzielu, 7 lutaha, miescami nievialiki doždž, u asobnych rajonach tuman. Tempieratura pavietra minimalnaja nočču -3 — + 3°S, maksimalnaja dniom 2 + 7°S, pa zachadzie da + 9°S.

Siaredniaja dekadnaja tempieratura pavietra pa Biełarusi čakajecca na 9-10 ° S vyšej za klimatyčnuju normu (norma -4 — -8,5°S).

Клас
0
Панылы сорам
0
Ха-ха
0
Ого
0
Сумна
0
Абуральна
0