«Na hetym tydni čakajecca niaŭstojlivaje nadvorje i niepraciahłaje panižeńnie tempieratury, ale jana ŭsio roŭna zastaniecca na 4—6 hradusaŭ vyšej za normu. Samy niepahodlivy dzień prahnazujecca ŭ aŭtorak, i vinoj tamu stanie paŭdniovy cykłon «Ulryka», jaki budzie prachodzić praz paŭdniova-ŭschodnija rajony krainy i pryniasie składanyja ŭmovy nadvorja — na bolšaj častcy terytoryi Biełarusi projduć apadki (mokry śnieh, doždž)», — adznačyŭ načalnik słužby hidramietearałahičnych prahnozaŭ.

Nočču ŭ mnohich rajonach prahnazujucca mocnyja apadki, miescami nalipańnie mokraha śniehu, tuman, słaby hałalod. U asobnych rajonach mahčyma słabaja zavirucha, na darohach hałalodzica.

Dniom miescami pa ŭschodzie Biełarusi čakajecca ŭzmacnieńnie vietru da 15—18 m/s. Tempieratura pavietra na praciahu sutak składzie ad nula da plus 5, nočču ŭ paŭnočna-zachodnich rajonach da minus 3, dniom pa paŭdniovym uschodzie budzie 6-8 ciapła.

«U sieradu cykłon sydzie na Rasiju, a jaho źmienić antycykłon z Bałtyjskaha mora. Nadvorje stabilizujecca, ale pry hetym panizicca tempieratura», - rastłumačyŭ D.Rabaŭ. Budzie pieravažna biez apadkaŭ, tolki dniom u krajnich paŭdniova-zachodnich rajonach mahčymy nievialiki mokry śnieh. Nočču i ranicaj miescami čakajecca słaby tuman, šerań. Na asobnych učastkach daroh zachavajecca hałalodzica. Tempieratura pavietra ŭnačy składzie ad minus 2 da minus 9, pa paŭnočnaj pałovie miescami budzie 10—12 marozu, dniom prahnazujecca ad minus 2 da plus 4 hradusaŭ.

U čaćvier vialikaja častka krainy budzie znachodzicca va ŭładzie, jaki adychodzić na ŭschod antycykłonu, a da zachodnich rajonaŭ padydzie atmaśfierny front: budzie pieravažna biez apadkaŭ, tolki pa zachadzie projduć karotkačasovyja apadki (mokry śnieh, doždž), miescami tuman, hałalod. Na asobnych učastkach daroh zachavajecca hałalodzica. Nočču i ranicaj miescami pa zachadzie čakajecca ŭzmacnieńnie vietru da 15—18 m/s. Tempieratura pavietra ŭnačy składzie 2—9 marozu, pa paŭnočnym uschodzie budzie minus 10—12, pa paŭdniovym zachadzie kala nula, dniom čakajecca ad minus 2 da plus 5 hradusaŭ.

U piatnicu miescami projduć karotkačasovyja apadki (mokry śnieh, doždž), mahčymy tuman, słaby hałalod. Na asobnych učastkach daroh zachavajecca hałalodzica. Tempieratura pavietra ŭnačy składzie ad nula da minus 7, pa ŭschodzie da minus 9, dniom budzie ad minus 2 da plus 4.

U vychodnyja dni nadvorje buduć vyznačać atmaśfiernyja franty z Zachodniaj Jeŭropy i znoŭ bolš ciopłyja pavietranyja masy Atłantyčnaha pachodžańnia.

U subotu na bolšaj častcy terytoryi projduć karotkačasovyja apadki, u asnoŭnym mokry śnieh. U asobnych rajonach mahčymy tuman, słaby hałalod. Miescami na darohach zachavajecca hałalodzica. Tempieratura pavietra ŭnačy składzie ad minus 5 da plus 1, pa paŭnočnym uschodzie pry prajaśnieńniach čakajecca da 10 marozu. Dniom budzie ad minus 1 da plus 4.

U niadzielu na bolšaj častcy terytoryi projduć karotkačasovyja apadki (mokry śnieh, doždž). U asobnych rajonach mahčymy tuman, nočču i ranicaj — słaby hałalod, na darohach zachavajecca hałalodzica. Tempieratura pavietra ŭnačy składzie ad minus 4 da plus 2, dniom prahnazujecca ad minus 1 da plus 4.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?