Sučasnyja biełarusy niasuć adkaznaść pierad prodkami za zachavańnie rodnaj movy, zajaviŭ Nadzvyčajny i Paŭnamocny Pasoł Respubliki Biełaruś u Francuzskaj Respublicy, pastajanny pradstaŭnik Biełarusi pry JUNIESKA Pavieł Łatuška z nahody Mižnarodnaha dnia rodnaj movy, paviedamili BiełTA ŭ pres-słužbie pasolstva Biełarusi ŭ Francyi.

«Važna, kab u hety dzień my pamiatali pra našych prodkaŭ, dziakujučy jakim nam pieradadziena rodnaja biełaruskaja mova — adna z samych miłahučnych i pryhožych moŭ u śviecie, pierad jakimi (prodkami — zaŭvaha BIEŁTA) my niasiom siońnia adkaznaść za zachavańnie movy dla našych naščadkaŭ. My pavinny taksama siońnia adznačyć, što biełaruskaja mova, jak i kultura, nikoli nie supraćpastaŭlała siabie inšym movam i kulturam. Jany źjaŭlalisia i źjaŭlajucca častkaj ahulnajeŭrapiejskaj, ahulnasuśvietnaj spadčyny, sučasnaści i, viadoma, budučyni», — zajaviŭ dypłamat.

Pavieł Łatuška paviedamiŭ, što 22 lutaha ŭ honar Mižnarodnaha dnia rodnaj movy ŭ štab-kvatery JUNIESKA buduć abmiarkoŭvacca pytańni zachavańnia i raźvićcia moŭnaj raznastajnaści ŭ śviecie. JUNIESKA zasnavała hety dzień u 1999 hodzie, a śviatkavać va ŭsim śviecie jaho pačali z 2000-ha. Data 21 lutaha była abranaja ŭ znak pamiaci pra padziei 1952 hoda ŭ Banhładeš, kali była rasstralana demanstracyja studentaŭ, jakija ŭstali na abaronu rodnaj movy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?