Eks-hiendyrektar AAT «Chołdynh «Mahiloŭvadbud» Jaŭhien Ziuzin, asudžany ŭ 2014 hodzie na siem hadoŭ źniavoleńnia za kradziež i atrymańnie bujnoha chabaru paŭtorna, z kanca studzienia 2016 hoda ŭznačaliŭ SVK «Kałhas imia Dziaržynskaha» Babrujskaha rajona.

Nahadajem, 12 maja 2014 hoda sud Leninskaha rajona Mahilova pryznaŭ hiendyrektara vinavatym u zavałodańni majomaściu šlacham złoŭžyvańnia słužbovymi paŭnamoctvami, a taksama ŭ atrymańni chabaru dvojčy ŭ bujnym pamiery. Akramia pazbaŭleńnia voli Ziuzin byŭ pryhavorany da štrafu ŭ 300 bazavych vieličyń (na toj momant 45 młn rubloŭ), u jaho była kanfiskavana majomaść, jon pazbaŭleny prava zajmać na praciahu piaci hadoŭ pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ. Taksama z abvinavačvanaha byŭ spahnany ŭ dachod dziaržavy 51 młn rubloŭ niehruntoŭna atrymanaha ŭzbahačeńnia. Na apošnim pasiadžeńni suda Ziuzin nie pahadziŭsia z prysudam. Jon kateharyčna admoviŭ atrymańnie chabaraŭ.

«Ja chacieŭ by zabyć heta jak kašmarny son ci jak nieparazumieńnie. Nie chaciełasia b varušyć minułaje», — zajaviŭ Jaŭhien Ziuzin. Razam z tym były hiendyrektar pa-raniejšamu ličyć, što pa artykule 430 (atrymańnie chabaru paŭtorna ŭ bujnym pamiery) jon byŭ asudžany niespraviadliva.

Na apošnim pasiadžeńni suda ŭ 2014 hodzie Ziuzin zajaviŭ, što niejkaja bandyckaja hrupoŭka jaho pasadziła, «kab samim praciahvać vykradać hrošy». Ciapier jakija-niebudź abvinavačańni Ziuzin nie vykazvaje, zajaŭlaje, što «Boh ich pakaraje».

Svajo vyzvaleńnie i pryznačeńnie na kirujučuju pasadu jon źviazvaje ź niedachopam adukavanych kiraŭnikoŭ, «u sielskaj haspadarcy asabliva». Na pytańnie, ci pisaŭ jon zajavu ab pamiłavańni, były hiendyrektar nie adkazaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?