Karaleŭskaja siamja Saudaŭskaj Aravii ŭkłała 26,1 miljon dalaraŭ u avijacyjny anałah Uber — kampaniju JetSmarter, zasnavanuju vychadcam z Rasii Siarhiejem Piatrosavym. Pra heta ŭ paniadziełak, 22 lutaha, paviedamlaje Bloomberg. Servis dazvalaje pry dapamozie smartfona zabraniravać miesca ŭ pryvatnym samalocie.

forbes.com

forbes.com

Na dumku Piatrosava, jaki ŭ ciapierašni čas žyvie ŭ Fłarydzie, džety nie vykarystoŭvajucca ŭ poŭnuju siłu: jany albo stajać na chałastym chodzie ŭ aeraportach abo laciać pustymi, kab zabrać klijentaŭ z peŭnaha miesca, praz što ich uładalniki hublajuć srodki.

JetSmarter dazvalaje zakazvać pustujučyja ŭ pryvatnych samalotach miescy pa canie mienšaj, čym patrabujecca za arendu ŭsiaho samalota. Pry hetym pieralot abydziecca dla pasažyra prykładna ŭ stolki ž, kolki jon patracić na kuplu kvitka ŭ biznes-kłas łajniera luboj avijakampanii, adznačaje Rambler News Service. Tak, naprykład, miesca ŭ samalocie Learjet 45, jaki lacić ź Ńju-Jorka ŭ Majami, kaštuje ad 1990 dalaraŭ.

«My dumajem, što kali prapanavać hetuju opcyju pasažyram biznes-kłasa šarahovych avijalinij, heta budzie vielmi zapatrabavany siervis», — raspavioŭ Piatrosaŭ.

Dziakujučy novym inviestycyjam kampanija płanuje pašyryć svaje apieracyi na Blizkim Uschodzie, u Azii i Jeŭropie. U pryvatnaści, Piatrosaŭ płanuje dadać mahčymaść pieralotaŭ pa maršrutach Łondan-Paryž i Paryž-Ženieva, pačynajučy z krasavika. Akramia taho, kampanija maje namier u pačatku 2017 hoda ŭklučyć u kartu pieralotaŭ Maskvu.

JetSmarter była zasnavanaja ŭ 2012 hodzie. Adnym ź jaje inviestaraŭ źjaŭlajecca repier Jay-Z. U ciapierašni čas u bazie JetSmarter zarehistravana 3,1 tysiačy samalotaŭ. U 2015 hodzie pasłuhami kampanii skarystalisia kala 35 tysiač pasažyraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0