Z kasmadroma «Bajkanur» startavała rakieta, jakaja dastavić na Mars daśledčyja moduli. Heta sumiesny prajekt rasijskich i jeŭrapiejskich navukoŭcaŭ.

AFP

AFP

«Asnoŭnaja zadača misii 2016 hoda — pošuk dokazaŭ najaŭnaści mietanu ŭ atmaśfiery płaniety, jakija mahli b paćvierdzić usiamu śvietu prysutnaść žyćcia abo aktyŭnaści ŭ sučasnaści abo minułym Marsa, a taksama pravieryć klučavyja technałohii dla druhoj ekśpiedycyi ExoMars, pryznačanaj na 2018 hod», — paviedamili ŭ Raskosmasie.

Da Marsa adpraviŭsia arbitalny aparat Trace Gas Orbiter i desantny modul Schiaparelli. Płanujecca, što na palot misii da Marsa spatrebicca siem miesiacaŭ.

Za try dni da padlotu da Marsa ekśpierymientalny pasadačny modul Schiaparelli pavinien adździalicca ad TGO, a praz try dni paśla hetaha uvajści ŭ atmaśfieru Marsa.

Arbitalny modul TGO paśla hetaha pavinien vyjści na arbitu płaniety i zaniacca padrabiaznym analizam hazavaha składu jaje atmaśfiery.

Modul uvachodu ŭ atmaśfieru, spusku i pryziamleńnia pradastavić Jeŭropie novuju technałohiju pasadki na pavierchniu Marsa z kantralavanaj aryjentacyjaj i chutkaściu pryziamleńnia.

Pa raźlikach śpiecyjalistaŭ, arbitalny aparat prapracuje da kanca 2022 hoda.

PA

PA

Daśledčyja kompleksy buduć šukać u atmaśfiery Marsa mietan. Hety haz raniej užo vyjaŭlałasia ŭ marsijanskaj atmaśfiery, jon pakazvaje na mahčymuju prysutnaść bakteryjalnaha žyćcia na płaniecie.

Navukoŭcy ŭpeŭnienyja, što mietan raspadajecca pad upłyvam ultrafijaletavaha soniečnaha vypramieńvańnia i moža isnavać prykładna 300-600 hadoŭ, što vielmi niadoŭha u hieałahičnych maštabach času.

Heta aznačaje, što haz, jaki prysutničaje na Marsie ŭ ciapierašni čas, nie moh być vyrableny 4,5 miljarda hadoŭ tamu, kali farmavalisia płaniety Soniečnaj sistemy. Adpaviedna, toje, što mietan ŭsio-tki ŭvieś čas źjaŭlajecca ŭ atmaśfiery, śviedčyć ab tym, što na płaniecie majecca niejkaja krynica hetaha hazu.

Adnoj ź ich moža być uzajemadziejańnie vady z hornymi parodami. Inšaje tłumačeńnie — vydzialeńnie staražytnaha mietanu pry rastavańni lodu.

I, narešcie, samaja cikavaja mahčymaść — na Marsie mohuć być bakteryi, praduktam žyćciadziejnaści jakich źjaŭlajecca mietan.

«Jakim by ni było tłumačeńnie faktu prysutnaści mietanu na Marsie, ciapier mała chto sumniavajecca ŭ isnavańni vadkaj vady ŭ pavierchnievych parodach, a heta aznačaje, što płanieta nie źjaŭlajecca miortvaj, i što na joj iduć niejkija aktyŭnyja pracesy», — kaža hałoŭny navukoviec prajekta ExoMars doktar Chorchie Vaha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?