Pasolstva Biełarusi ŭ Litvie raźličvaje ŭ bližejšy čas zaviaršyć uzhadnieńnie pytańnia ab ustanaŭleńni pamiatnaj doški narodnamu paetu Biełarusi Jakubu Kołasu na adnym z budynkaŭ litoŭskaj stalicy. Pra heta raskazaŭ u intervju haziecie «Viečiernij Hrodno» nadzvyčajny i paŭnamocny pasoł Biełarusi ŭ Litvie Alaksandr Karol, paviedamili ŭ pres-słužbie MZS Biełarusi.

Dypłamat adznačyŭ, što hetu padzieju płanujecca prymierkavać da 110-j hadaviny z dnia vychadu ŭ Vilni pieršaha lehalnaha pieryjadyčnaha vydańnia na biełaruskaj movie «Naša dola», u jakim byŭ apublikavany vierš Jakuba Kołasa «Naš rodny kraj». Pasoł dadaŭ, što biełaruski bok aktyŭna zajmajecca ŭviekaviečańniem imion viadomych biełaruskich dziejačaŭ kultury.

Alaksandr Karol padkreśliŭ, što niemałavažnaje miesca ŭ rabocie pasolstva zajmajuć sumiesnyja kulturnyja akcyi z arhanizacyjami biełaruskaj dyjaspary Litvy. Siarod najbolš važnych prajektaŭ jon vydzieliŭ jubilejny fiestyval biełaruskaj pieśni i pamiatnaje mierapryjemstva, pryśviečanaje 125-hodździu z dnia naradžeńnia kłasika biełaruskaj litaratury - Maksima Bahdanoviča.

U krasaviku ŭ Vilni budzie pradstaŭleny vystavačny prajekt «Čas i tvorčaść Lva Baksta». Dva prajekty pradstaviać u litoŭskaj stalicy studenty biełaruskich akademij mastactva i muzyki. Akramia taho, prapracoŭvajucca pytańni arhanizacyi vosieńniu 2016 hoda hastrolaŭ Dziaržaŭnaha ansambla tanca Biełarusi pa haradach Litvy i vystupleńniaŭ Biełaruskaha dziaržaŭnaha akademičnaha muzyčnaha teatra ŭ Vilni i Kłajpiedzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?