Kolkaść zdareńniaŭ z udziełam samalotaŭ, jakija naležać kampanijam byłoha SSSR, dasiahnuła 10-hadovaha maksimumu, havorycca ŭ dakładzie pa biaśpiecy palotaŭ u 2015 hodzie, padrychtavanym Miždziaržaŭnym avijacyjnym kamitetam.

Jak vynikaje z apublikavanaj MAK statystyki, rasiejskija samaloty padali čaściej, čym samaloty inšych krain byłoha SSSR. Z rasśledavańnia MAK vynikaje, što za 2015 hod adbyłosia 56 avijacyjnych zdareńniaŭ, 41 ź jakich pryjšłosia na Rasiju. U katastrofach z udziełam rasijskich samalotaŭ zahinuli 60 čałaviek, abo amal pałova ad ahulnaj kolkaści zahinułych.

U dakładzie nie ŭličvałasia hibiel pasažyraŭ z pryčyny teraktaŭ.

Jak adznačajuć aŭtary dakładu, kolkaść avijazdareńniaŭ u paraŭnańni z 2014 hodam uzrasła z 48 da 56, pry hetym dola surjoznych avijakatastrof zastajecca na raniejšym uzroŭni, a asnoŭnaj ich pryčynaj zastajecca čałaviečy faktar.

«70% zdareńniaŭ abumoŭlenyja čałaviečym faktaram, 24% — admovami/niaspraŭnaściami avijacyjnaj techniki, 6% — niespryjalnym vonkavym uździejańniem», — havorycca ŭ dakumiencie.

«Prymajučy pad uvahu toje, što pracent avijacyjnych zdareńniaŭ, źviazanych z prajavaj čałaviečaha faktaru ŭ lotnaj i techničnaj ekspłuatacyi pavietranych sudoŭ, nie źmianšajecca, raspracavać u dziaržavach metavyja kompleksnyja prahramy pa ŭsich aśpiektach ŭpłyvu čałaviečaha faktaru na biaśpieku palotaŭ. Rekamiendacyja davałasia nieadnarazova», — reziumujuć aŭtary dakładu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?