Amierykanski fiermier Dejv MakHienry adnaŭlaje traktar «Biełarus» 1984 hoda, paviedamili ŭ pres-słužbie Minskaha traktarnaha zavoda.

Fota MTZ

Fota MTZ

«Kali Dejv MakHienry vyrašyŭ kupić i adnavić traktar «Biełarus 820» 1984 hoda, jon nie čakaŭ, što pryciahnie tak šmat uvahi. Ź fiermieram sustreŭsia hienieralny dyrektar MTZ Fiodar Damacienka. Kiraŭnik pradpryjemstva naviedaŭ dystrybjutaraŭ u Paŭnočnaj Amierycy i, kali pačuŭ, što kampanija Boyle Tractor Ltd. adnaŭlaje hety traktar dla MakHienry, paličyŭ abaviazkovym dla siabie padjechać da majsterni Fenwick, kab asabista ŭbačyć ŭładalnika i jaho traktar», — raspaviali ŭ pres-słužbie.

«Mnie spadabałasia kanstrukcyja. Hety traktar maje takija asablivaści, jak pnieŭmatyčnaja tarmaznaja sistema i paru inšych paramietraŭ, jakich my tut nie majem. Heta vielmi cikava», — pracytavali na pradpryjemstvie amierykanca.

Traktary «Biełarus» upieršyniu byli pastaŭlenyja ŭ Paŭnočnuju Amieryku ŭ 1970-ch hadach. Było pradadziena zvyš za 50 tysiač adzinak da taho momantu, pakul nie raspaŭsia SSSR i prodažy byli pierapynienyja. U apošni čas MTZ pačaŭ znoŭ pradavać traktary ŭ ZŠA i Kanadu, dzie, jak zajaviŭ handlovy i markietynhavy pradstaŭnik zavoda Arje Prylik, jość rynak dla «pracoŭnych traktaroŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0