U Breście zatrymany 15-hadovy navučeniec adnaho z prafiesijnych licejaŭ horada, jaki stralaŭ u školnikaŭ ź pnieŭmatyčnaj zbroi.

Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova 12 sakavika pryblizna ŭ 16.15 padletak z bałkona pieršaha paviercha kvatery, dzie pražyvaje, zrabiŭ niekalki strełaŭ ź pnieŭmatyčnaha pistaleta.

Ad supraćpraŭnych dziejańniaŭ złamyśnika paciarpieli troje školnikaŭ, jakija znachodzilisia pablizu budynka. Jany atrymali ŭdary ad mietaličnych kul. Akramia taho, u vyniku stralaniny paškodžanaje łakafarbavaje pakryćcio aŭtamabila «Reno», jaki stajaŭ na aŭtastajancy pobač z domam.

U chodzie pieratrusu pa miescy žycharstva liceista kanfiskavany pnieŭmatyčny pistalet Borner. Bresckim mižrajonnym adździełam Śledčaha kamiteta pa hetym fakcie raspačataja sprava pa č. 3 art. 339 KK (asabliva złosnaje chulihanstva).

Ustanoŭlena, što z paciarpiełymi ŭ liceista kanfliktaŭ nie było, u toj momant jon byŭ ćviarozy. Dla vyśviatleńnia ŭsich abstavinaŭ zdareńnia, u tym liku taho, jak zbroja apynułasia ŭ padletka, pravodziacca nieadkładnyja śledčyja i inšyja pracesualnyja dziejańni.

Pryznačanyja sudova-miedycynskija i balistyčnaja ekśpiertyzy. Strałok źmieščany ŭ izalatar časovaha ŭtrymańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?