Viadomy biełaruski falkłaryst i lidar etna-trya «Trojca» Ivan Kirčuk zaviaršaje vykładčyckuju dziejnaść u piedahahičnym univiersitecie imia Maksima Tanka. Z daśledčykam, jaki 19 hadoŭ adpracavaŭ na kafiedry etnahrafii i etnałohii, nie praciahnuli kantrakt:

budzma.org

budzma.org

«Niama aŭdytoryi, niama hadzin, pradmieta, a jašče i niekalki hadoŭ da piensii zastałosia. Ale nie vielmi pryjemna, što nichto nie parazmaŭlaŭ, nibyta jak maładoha śpiecyjalista na padvorak vykinuli, — kaža Ivan Kirčuk. — Havorka idzie ž nie pra hrošy, bo ŭsim viadoma, kolki zarablajuć u krainie vykładčyki. Havorka idzie pra toje, što kabiniet, jaki pracavaŭ tam 19 hadoŭ, prynosiŭ słavu i kafiedry, i ŭniviersitetu za košt taho, što studenty rabili cikavyja prahramy, i ja zaŭsiody pisaŭ spravazdačy pra pracu «Troicy» u roznych krainach śvietu, ciapier heta akazałasia niepatrebnym».

Aŭdytoryju, u jakoj mieściŭsia «muziej» Ivana Kirčuka, prachodzili zaniatki sa studentami i repietavała «Trojca», univiersitet zabraŭ jašče 8 hadoŭ tamu i addaŭ studentam-spartsmienam. Paśla hetaha lehiendarnamu muzyku davodziłasia pierajazdžać z kabinieta ŭ kabiniet z usimi svaimi skarbami, z dapamohaj jakich Kirčuk sa studentami rekanstrujavali staražytnyja biełaruskija abrady. Paźniej «cacki» byli adviezienyja na lecišča. Ciapier va ŭniviersitecie źjaviŭsia fakultet estetyčnaj adukacyi, źnikła kafiedra falkłarystyki i, adznačaje Kirčuk, falkłor pierastaŭ być patrebny naohuł.

Pra toje, što «muziej» muzyki mieścicca na leciščy, daviedaŭsia Instytut kultury Biełarusi. Kirčuku dali kabiniet, vykładčyckija hadziny. I 12 sakavika ŭdzielniki «Trojcy» dapamahli svajmu «baćku-zasnavalniku» pieravieźci instrumienty, lalki, ručniki, adzieńnie, batlejku, 2000 dyskaŭ u novy kabiniet.

«Usio ž pavinna pracavać, a nie visieć na ścianie. Heta nie muziej, a łabaratoryja, dzie ŭsio pracuje. Viadoma, što ja pryvyk pracavać sa studentami ciaham 4—5 hadoŭ, kali možna było šmat čaho im raspavieści i navučyć. Siudy pryjazdžajuć słuchačy na dva tydni. Ale spadziajusia, usio atrymajecca».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?