Ukazanaja ŭ ananimnym liście infarmacyja hanić pradpryjemstva, jakoje pracuje stabilna, svoječasova vypłačvaje zarobki i całkam vykonvaje sacyjalnyja harantyi i abaviazalnictvy. Pra heta skazana ŭ zajavie namieśnika hienieralnaha dyrektara AAT «Naftan» Siarhieja Jaŭtušyka, jakaja pastupiła na adras partała TUT.BY.

«Čałavieka z takim proźviščam, jaki nibyta padpisaŭ list, niama siarod rabotnikaŭ AAT «Naftan». Akramia taho, sam list byŭ napisany bolš za miesiac tamu, i ŭ tavarystvie ŭ lutym 2016 hoda ŭžo pravodziłasia ŭnutranaje rasśledavańnie i dadzienyja ŭsie tłumačeńni orhanam dziaržkiravańnia», havorycca ŭ liście.

Pa słovach Jaŭtušyka, siaredniaja zarpłata ŭ kampanii składaje bolš za 11 młn rubloŭ, zhodna z Kalektyŭnaj damovaj, pracaŭniki «Naftanu» dadatkova majuć jašče sacpakiet, jaki pradastaŭlajecca pry absłuhoŭvańni ŭ zavadskoj paliklinicy, prafiłaktoryi, pry naviedvańni zaharadnaj bazy adpačynku, letniaha dziciačaha azdaraŭlenčaha łahiera, spartyŭnych abjektaŭ (jak zavadskich, tak i haradskich)». «Zarobak na praciahu 2015—2016 hh. vypłačvaŭsia ŭ vyznačanyja terminy, vypadkaŭ prypynieńnia dziejańnia kalektyŭnaj damovy ŭ nazvany pieryjad nie było», — piša Jaŭtušyk.

Na «Naftanie» na praciahu apošnich piatnaccaci hadoŭ bieśpierapynna pravodzicca rekanstrukcyja dziejnych i budaŭnictva novych technałahičnych ustanovak. U 2016 hodzie na navapołackim zavodzie zapłanavany ŭvod u ekspłuatacyju šerahu novych mahutnaściaŭ zhodna z zaćvierdžanaj uradam Biełarusi inviestprahramie. «Rabotnikami «Naftana», kancernam «Biełnaftachim», padradnymi arhanizacyjami robicca ŭsio mahčymaje, kab uvod abjektaŭ adbyŭsia ŭ vyznačanyja terminy», havorycca ŭ liście.

U toj ža čas Jaŭtušyk pryznaŭ, što ŭ suviazi z padzieńniem koštaŭ na naftu i koštu naftapraduktaŭ na pradpryjemstvie adznačajecca padzieńnie jak vałavaj vyručki, tak i čystaha prybytku. Jon rastłumačyŭ, što ŭ suviazi z hetym «Naftan» byŭ vymušany pajści na skaračeńnie vydatkaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0