Sioleta konkurs pravodzicca pa troch naminacyjach. U tradycyjnaj naminacyi «Śpiavanaja paezija» vykanaŭcy mohuć padać svaju pieśniu, napisanuju na vierš sučasnaha paeta. U naminacyi «Biełaruski kavier» prymajucca intepretacyi viadomych biełaruskich chitoŭ. A ŭ zusim novaj katehoryi - «Zamiežny pierakład» mohuć udzielničać viadomyja zamiežnyja chity. Hałoŭnaja ŭmova dla ŭsich troch naminacyj — biełaruskaja mova vykanańnia.

«My prapanujem ŭ try sposaby pakazać charastvo našaj movy — praz sučasnuju biełaruskuju paeziju, praz muzyku biełaruskich vykanaŭcaŭ i praz zamiežnyja pierakłady. Tyja, u kaho atrymajecca najbolš harmanična spałučyć muzyku i słova, pa-novamu adkryć užo viadomyja pieśni, atrymajuć u jakaści pryzu hrošy na zapis ułasnaj pieśni/samotnika/klipa. Ahulny pryzavy fond konkursu sioleta składzie 1500 jeŭra», — zasnavalniki konkursu «Zaśpiavaj.BY» Pavieł Bierahovič i Siarhiej Budkin.

U paraŭnańni ź minułym siezonam uzrostavy cenz udzielnikaŭ vyrašana padvysić — z 27 da 33 hod. Taksama zajaŭlajecca, što pieravaha ŭ pryjomie zajavaŭ budzie addavać najpierš tym muzykam, jakija nie majuć aficyjna vydadzienych albomaŭ i solnych kancertaŭ. Zajavu možna padać na elektronny adras konkursu konkurs. [email protected] da 1 traŭnia 2016 hodu ŭklučna. Padviadzieńnie vynikaŭ projdzie ŭ dva etapy. Spačatku žury, kudy ŭvojduć biełaruskija muzyki, paety, pierakładčyki, sfarmujuć šort-list pa kožnaj z naminacyjaŭ. Nazvanyja vykanaŭcy voźmuć udzieł u letnich kancertach konkursu «Zaśpiavaj 3.0», jakija projduć pry padtrymcy viadomych biełaruskich vykanaŭcaŭ, pa vyniku jakich i budzie nazvany pieramožca.

Padrabiaźniej z praviłami padačy i ŭmovami praviadzieńnia konkurs možna paznajomicca na aficyjnaj staroncy na Tuzin.fm, a taksama ŭ supołkach u sacyjalnych sietkach u Facebook i ŬKantakcie.

***

Konkurs «Zaśpiavaj.BY» byŭ zasnavany ŭ 2014 dabračynnym fondam «Viartańnie» i muzyčnym partałam Tuzin.fm. Jaho meta — zaachvocić maładych vykanaŭcaŭ źviartacca da biełaruskaj movy i paezii ŭ svajoj tvorčaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?