Holf-kłub «Minsk», jaki byŭ uviedzieny ŭ ekspłuatacyju ŭ 2012 h. abyšoŭsia ŭ 40 młn dalaraŭ i naležaŭ eks-ŭładalniku banka «Delta» Mikałaju Łahunu, paviedamlaje «Forbes Ukraina».

Adznačajecca, što partnioram Łahuna ŭ hetym prajekcie staŭ «Prezidencki spartyŭny kłub», kiruje jakim siaredni syn biełaruskaha kiraŭnika Dźmitryj Łukašenka. Śpiecyjalna dla hetaha prajekta Alaksandr Łukašenka vydaŭ ukaz N56 ad 29 studzienia 2007 hoda «Ab budaŭnictvie spartyŭna-turystyčnaha holf-kompleksu ŭ Minskim r-nie».

Płanavałasia, što paśla ŭviadzieńnia ŭ ekspłuatacyju holf-pola, «Delta» prystupić da budaŭnictva katedžnaha miastečka «Hrynvič», dzie košt vałodańnia składała ad 600 tysiač dołaraŭ. Adnak budaŭnictva tak i nie było skončana.

U studzieni 2016 hoda Ekanamičny sud Minskaj vobłaści pa pazovie kiraŭnika likvidacyjaj ZAT «Delta Bank» A.V. Piadźko spahnaŭ z kampanii «Holf kłub» vypłatu kuponnaha dachodu pa ablihacyjach - $ 1,2 młn, i patrabavać daterminovaje pahašeńnie ablihacyj na sumu $ 7,6 młn. Takim čynam, za košt pabudavanych pad Minskam holf-paloŭ, košt jakich aceńvajecca ŭ 11 młn dalaraŭ, buduć hasicca daŭhi likvidavanaha «Delta Banka».

«Śledčy kamitet Biełarusi pa fakcie bankructva «Delty» zavioŭ kryminalnuju spravu, zajaviŭšy, što bank byŭ sbankrutavany naŭmysna. Hałoŭnymi abvinavačanymi ŭ hetym stali staršynia praŭleńnia «Delta Banka», namieśniki staršyniaŭ i členy rady dyrektaraŭ, jakija byli vymušanyja prosta vyjechać z krainy», — havorycca ŭ tekście «Forbes Ukraina».

Taksama Łahun straciŭ jašče niekalki svaich aktyvaŭ: roźničnuju sietku praduktovych mahazinaŭ «Rodnaja storona», strachavyja kampanii «Delta Strachavańnie» i «Piensijnyja harantyi».

Łahun maje namier sudzicca z uładami Respubliki Biełaruś u mižnarodnych sudach. «Naš biznes prosta razarvali pa rašeńni źvierchu», - pryvodzić słovy Łahuna «Forbes Ukraina»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?