Mižnarodnaja fiederacyja futboła (FIFA) vyrašyła adklikać z prodažu futbołki, pryśviečanyja čempijanatu śvietu 2018 hoda, z vyjavaj karty Rasii biez Kryma, paviedamlaje pres-słužba arhanizacyi.

«Zhadanyja futbołki vydalajucca z dostupu ŭ aficyjnaj anłajn-kramie FIFA, kab paźbiehnuć nieparazumieńnia», — cytuje paviedamleńnie pres-słužby ahienctva TASS.

Raniej deputat Dziarždumy ad KPRF Uładzimir Rodzin nakiravaŭ zapyt va ŭrad z prośbaj razabracca, čamu na sajcie FIFA pradajucca majki ź simvolikaj čempijanatu śvietu pa futbole 2018 hoda z kartaj Rasii biez Kryma.

«Naša ministerstva zamiežnych spraŭ, Rasijski futbolny sajuz zahadzia pavinny reahavać na takija rečy i nie dapuścić, kab tut pačaŭsia prodaž takich majek», — zajaviŭ Rodzin.

Paźniej stała viadoma, što arhkamitet ČS-2018 nakiravaŭ u FIFA zapyt z nahody prodažu futbołak na terytoryi Rasii. Čempijanat śvietu pa futbole 2018 hoda projdzie z 14 červienia pa 15 lipienia ŭ 11 haradach Rasii.

Клас
0
Панылы сорам
0
Ха-ха
0
Ого
0
Сумна
0
Абуральна
0