Minčuk vystaviŭ na prodaž mašynu, upryhožanuju nacyjanalnym arnamientam. Abjava vyklikała vialikuju cikavaść, praŭda, nie stolki aŭtaamataraŭ, kolki «mastackich krytykaŭ».

«Kałhas!», «Jašče b biust baćki na dach prylapiŭ», «z-za ahraŭzoru nichto nie kupić», «kali jechać na takoj mašynie i čytać u darozie ŭsłych vieršy Bahdanoviča, to jana pajedzie na 10 km / h chutčej» – kamientatary ździekujucca na ŭsie łady. Ale, što cikava, absalutnaja bolšaść padtrymała ŭłaśnika mašyny.

«Za arnamient zalik! Pośpiechaŭ u prodažy», «Vyšyvanka – supier!», «Nalepka vielmi pryhoža hladzicca», «Cudoŭny! Była b ŭ mianie žonka — nabyŭ by joj hety aŭtosik!» – tych, kamu mašyna spadabałasia značna bolš. I kamienty ŭ asnoŭnym abadziorvajuć pradaŭca. Časam – navat voś tak, pa-pacansku: «Pacanskaja tačyła, ja b kupiŭ tolki z-za arnamientu, Kientu pośpiechu ŭ prodažy!».

«Ja nanios arnamient, bo heta i pryhoža, i patryjatyčna, - kaža ŭładalnik aŭto Chviedar. – Ja ŭvohule lublu našy nacyjanalnyja ŭzory, i sam pracuju, vyrablajučy rečy z arnamientam. Moža, bačyli vokładki «pašpart biełarusa» ci «pašpart biełarusački»? Dyk voś, heta majo, moj prajekt vokladki.by.

Nasamreč, kali ja kleiŭ toj arnamient – a heta było bolš za hod tamu, – dumaŭ, što padobnych mašynaŭ budzie šmat, bo byŭ taki ŭzdym hetaj temy, usie cikavilisia arnamientam, vyšymajkami. Adnak za hety čas ja bačyŭ tolki 4-5 aŭto z padobnymi nalepkami».

Ale, kaža Chviedar, na darozie jaho ŭpryhožany «Opiel» vyklikaje vyklučna reśpiekty.

«Za ŭvieś čas mnie nichto nie skazaŭ anivodnaha durnoha słova, «fak» z vakna nie pakazvali, - śmiajecca Chviedar. – A voś sihnalili, ci kazali što kruta – takoje byvała».

Praŭda, na svaju novuju mašynu jon arnamient nanosić nie budzie. Pryčyna prostaja – koler nie toj, nie hladzicca.

«Ja braŭ aŭto z sałonu, a tam byli ci karyčnievyja ci ciomna-šeryja, i ŭsio. Ja nabyŭ ciomna-šeruju, a na joj ani bieły, ani čyrvony ŭzor dobra nie vyhladajuć. Tamu hetaje aŭto budzie biez arnamientu. Ale spadziajusia, što heta nie apošniaja maja mašyna – moža nastupnuju vaźmu biełuju i tady ŭžo upryhožu jaje nacyjanalnym uzoram», - kaža Chviedar.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?