Člena Jeŭraparłamienta Rebieku Charms šeść hadzin trymali na biełaruskaj miažy. Jana nakiroŭvałasia na mižnarodnuju kanfierencyju «Čarnobyl +30», jakaja prajšła 24 krasavika ŭ Minsku pad ehidaj tavarystva «Zialonaja sietka» i Biełaruskaj partyi «Zialonyja» pry padtrymcy kijeŭskaha filijała Fondu Hienrycha Biola (Hiermanija), Suśvietnaj asacyjacyi vietraenierhietyki i Jeŭrapiejskaj partyi zialonych.

Pavodle paviedamleńnia Biełaruskaj antyjadziernaj kampanii, niamiecki palityk, kiraŭnik frakcyi «Zialonyja — Jeŭrapiejski svabodny aljans» u Jeŭraparłamiencie, jakaja była zatrymana na pamiežnym kantroli ŭ aeraporcie Minsk, zmahła ŭjechać u biełaruskuju stalicu i ŭziać udzieł u kanfierencyi.

Svajo zatrymańnie Charms, jakaja adkryta krytykuje palityku Kramla ŭ ES, źviazvaje z tym, što jana ŭniesiena ŭ śpisy nie ŭjaznych u Rasiju pa palityčnych matyvach, i tłumačyć supracoŭnictvam pahraničnych słužbaŭ Rasii i Biełarusi. 

Rebieka Charms vystupiła na kanfierencyi «Čarnobyl +30» pa zaprašeńni Biełaruskaj partyi «Zialonyja». «Praz 30 hadoŭ paśla Čarnobyla Ukraina i inšyja krainy jašče nie pačali ačyščeńnia zony avaryjnaj AES», — adznačyła Charms. U toj ža čas, pavodle jaje słoŭ, na budavańnie abjekta «Schovišča» dla avaryjnaha čarnobylskaha reaktara Jeŭrasajuz užo vydatkavaŭ vielizarnyja srodki i Ukraina budzie jašče doŭha zaležać ad źniešniaha finansavańnia ŭ hetaj suviazi.

«My nie viedajem, dzie adbudziecca nastupnaja avaryja, — skazała deputat. — Ja pracuju ź jadziernymi ryzykami ŭ ES, i na majoj staroncy jość daśledavańnie bałharskaha ekśpierta, dzie havorycca pra toje, što ŭ ES paśla 2006 hoda my davoli blizkija da nastupnaj katastrofy na AES, jana moža być i ŭ Francyi, i ŭ Hiermanii. Što my možam zrabić, dyk heta vyjści ź jadziernaha cykła». Na jaje dumku, heta asabliva aktualna mienavita ciapier, u suviazi z tym što terarysty robiać svajoj mišeńniu atamnyja elektrastancyi ŭ Jeŭropie.

«Mienavita tamu AES — heta bomby zapavolenaha dziejańnia», — ličyć Charms.

Jak miarkuje niamiecki palityk, čarnobylski vopyt — dobraja padstava skončyć z atamnaj enierhietykaj. «Čarnobyl paŭpłyvaŭ na enierhietyku Hiermanii: jana kančatkova źmianiłasia i stała «zialonaj». I kali my kažam pra niamiecki vopyt, to ekanomika adnaŭlanaj enierhii značna lepšaja, čym ekanomika jadziernaj enierhietyki», — zajaviła parłamientaryj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?