Jeŭrapiejski sajuz byŭ i zastajecca na pieradavoj mižnarodnych namahańniaŭ pa pieraadoleńni nastupstvaŭ čarnobylskaj katastrofy, Jeŭrapiejskaja kamisija ŭžo vydzieliła kala 730 młn jeŭra na prajekty, źviazanyja z Čarnobylem.

Pra heta havorycca ŭ sumiesnaj zajavie vysokaha pradstaŭnika ES pa zamiežnych spravach i palitycy biaśpieki Fiederyki Mahieryni, vice-prezidenta Jeŭrapiejskaj kamisii pa enierhietyčnym sajuzie Maraša Šeŭčaviča, jeŭrakamisara pa Jeŭrapiejskaj palitycy susiedstva i pieramovach pra pašyreńnie Jochanesa Chana i jeŭrakamisara pa mižnarodnym supracoŭnictvie i raźvićci Nieviena Mimicy z nahody 30-hodździa čarnobylskaj katastrofy. Zajavu raspaŭsiudziła Pradstaŭnictva ES u Biełarusi. 

«Navat ciapier, pa skančeńni 30 hadoŭ, ludzi va Ukrainie, Biełarusi dy inšych krainach zmahajucca z doŭhaterminovymi nastupstvami katastrofy dla zdaroŭja i navakolnaha asiarodździa. Čałaviečaje vymiareńnie hetaj avaryi zastajecca ŭ našych dumkach, — padkreślivajuć aŭtary zajavy. — Jeŭrapiejski sajuz — najbujniejšy ŭkładalnik u mižnarodnyja fondy, jakija administruje Jeŭrapiejski bank rekanstrukcyi i raźvićcia (JEBRR) z metaj vyvadu atamnaj stancyi z ekspłuatacyi i zabieśpiačeńnia ekałahičnaj biaśpieki hetaha ab`iekta».

«Litaralna ŭčora Jeŭrapiejskaja kamisija zajaviła pra nadańnie dadatkovaj padtrymki Rachunku jadziernaj biaśpieki. Jeŭrapiejski sajuz i nadalej budzie pracavać z Ukrainaj, JEBRR, krainami Vialikaj siamiorki (G7) dy inšymi mižnarodnymi donarami dla zabieśpiačeńnia paśpiachovaha zaviaršeńnia hetych prajektaŭ», — adznačajuć vysokija pradstaŭniki ES.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?