Brytanskija navukoŭcy (psichołah i statystyk) zajavili pra toje, što im udałosia raskryć tajamnicu druhoj škarpetki, jakaja pastajanna źnikaje, a taksama pradstavili formułu, što pradkazvaje šancy tekstylnaha vyraba na źniknieńnie.

Samo daśledavańnie zamoviła kampanija Samsung, pieradaje Lenta.ru sa spasyłkaj na The Daily Mail.

Daśledčyki vyśvietlili, što škarpetki źnikajuć nie z-za zvyšnaturalnych pryčyn, i ich, nasupierak žartoŭnaj zajavie fizika Styviena Chokinha, nie zaciahvaje ŭ čornyja dzirki. Jany apytali dźvie tysiačy čałaviek (pra myćcio bializny i inšyja bytavyja zvyčki).

Vyśvietliłasia, što źniknieńnie škarpetak bolš za ŭsio źviazana sa składam bializny, jakoje zahružajecca ŭ pralnuju mašynu. Vynikovaja formuła («indeks straty škarpetak») vyhladaje tak: (L (p x f) + C (t x s)) - (P x A).

«L» u joj aznačaje «abjom prańnia» — raźličvajecca pamnažeńniem kolkaści členaŭ siamji («p») na častatu prańniaŭ na tydzień ( «f»). «Z» adpaviadaje składanaści prańnia: kolkaść roznych typaŭ bializny (ciomnyja tkaniny, sintetyčnyja tkaniny, šerść), jakaja apracoŭvajecca na tydzień («t») pamnožyć na kolkaść pranych za toj ža tydzień škarpetak. «P» (luboŭ da prańnia) adymajecca z sumy «L» i «C». Vymiarajecca «P» pa škale ad adnaho da piaci (dzie adzin aznačaje — «ciarpieć nie mahu prać adzieńnie»). Akramia taho, «P» pamnažajecca na «A» — uvaha da prańnia (ci praviarajuć kišeni ŭ adzieńni, ci vyvaročvajuć rukavy).

Formuła pakazała: čym bolšy abjom prańnia, tym bolš imaviernaść zhubić škarpetki.

Akramia taho, navukoŭcy vyznačyli asnoŭnyja pryčyny źniknieńnia škarpetak: tekstylnyja vyraby padajuć za batarei, traplajuć u roznyja prańni i hublajucca, i, narešcie, abjadnoŭvajucca nie sa svajoj paraj.

Клас
0
Панылы сорам
0
Ха-ха
0
Ого
0
Сумна
0
Абуральна
0