U knižnaj Biełarusi padrastaje bilinhv – pieršy biełaruska-anhlijski słoŭnik u malunkach «Naš dom / Our Home»: kala 1300-1400 słoŭnikavych adzinak, zvyš za 40 staronak ilustracyj na roznyja temy – ad vidaŭ budynkaŭ dla dziejańniaŭ na kuchni, chatniaj haspadarki i ramontu – dva ałfavitnyja pakazalniki z transkrypcyjami i mnostva jaskravych malunkaŭ.

Siońnia stała viadoma, što prajekt słoŭnika prajšoŭ u finał konkursu sacyjalnych prajektaŭ Biełarusi Social Weekend 7. Meta kamandy prajekta – sabrać hrošy dla vydańnia knihi nakładam 1000 asobnikaŭ. Kala 43 młn bieł. rub. užo byli sabranyja na kraŭdfandynhavaj płatformie Tałakošt dla vydańnia 500 słoŭnikaŭ, ale ŭdzielniki prajekta ŭpeŭnienyja: «Naš dom / Our Home» budzie cikavy i patrebny šyrejšamu kołu čytačoŭ. Słoŭnikaŭ moža być vydadziena ŭdvaja bolš, a hrošaj dla hetaha patrebna ŭdvaja mienš – kala 20 młn bieł. rub.

«Padtrymać vydańnie słoŭnika možna hrašyma abo praz stvareńnie sustrečy na karyść prajektu na płatformie «MajeSens», – raskazvaje kiraŭnica prajekta Alena Jałavienka. – My imkniomsia stvaryć jakasny moŭny dapamožnik, a taksama jak maha lepiej «sacyjalizavać» «Naš dom», zrabić jaho maksimalna karysnym dla biełarusaŭ. Kali ŭ vas jość niejkija idei, prapanovy, kali łaska, dasyłajcie ich na [email protected]».

***

Social Weekend – heta najbujniejšy konkurs sacyjalnych prajektaŭ Biełarusi, u jakim kožny moža prapanavać svaju ideju, atrymać finansavuju padtrymku dla jaje realizacyi i paprostu znajści adnadumcaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0