Hurt Coldplay prezientavaŭ novy klip na kampazicyju Up&Up, jaki adrazu ž staŭ videachitom.

Karystalniki sacsietak aktyŭna dzielacca klipam i supravadžajuć jaho słovami zachapleńnia. Rolik byŭ raźmieščany na YouTube 16 maja i ŭsiaho za paru dzion nabraŭ amal 7 młn prahladaŭ.

Videašerah da kampazicyi Up&Up začaroŭvaje. Na pieršych kadrach možna ŭbačyć dajvieraŭ, jakija płavajuć u vodach pralnaj mašyny; čałavieka, jaki huškajecca na arelach ź vidam na ziamny šar; hubku dla myćcia posudu, na jakoj raźmiaščajecca futbolnaje pole z futbalistami; papkorn, jaki vyskokvaje z žarała vułkana; parašutystaŭ, jakija kidajucca ŭ vielizarnuju talerku z makaronami. Praporcyi zvykłych rečaŭ u videa niejmavierna parušajucca, ptuški machajuć kryłami pad vadoj, ryby lotajuć…

Klip chočacca hladzieć znoŭ i znoŭ, kab zaŭvažyć usie fantastyčnyja detali i całkam acanić palot fantazii jaho stvaralnikaŭ.

Niezadoŭha da vychadu kilipa salist Coldplay Krys Marcin zajaviŭ, što heta, mahčyma, budzie adzin z najlepšych klipaŭ, stvoranych kali-niebudź. Pavodle jaho słoŭ, u klipie havorycca ab niezvyčajnym bačańni navakolnaha śvietu, jaho stvaralniki majuć asablivy vizualny sposab hladzieć na rečy.

Darečy, nad stvareńniem videašerahu pracavali izrailskija klipmejkiery Vania Heymann i Gal Muggia. Akramia taho, nad klipam pracavała ŭkrainskaja studyja Radioaktive Film.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?