Virus Zika hetym letam moža raspaŭsiudzicca na Jeŭropu, choć imaviernaść surjoznaj ŭspyški zachvorvańnia nievysokaja, zajaviła Suśvietnaja arhanizacyja achovy zdaroŭja.

Pavodle dadzienych SAAZ, najbolšaja niebiaśpieka raspaŭsiudžvańnia virusa na ŭźbiarežžy Čornaha mora ŭ Rasii i Hruzii, a taksama vostraŭ Madejra.

Krainy, dzie ŭzrovień niebiaśpieki ŭspyški aceńvajecca jak umierany, — Francyja, Ispanija, Italija i Hrecyja. U Vialikabrytanii ryzyka raspaŭsiudžvańnia virusa małaja.

SAAZ zaklikaje ŭłady krain źniščyć miescy razmnažeńnia maskitaŭ i infarmavać nasielnictva — asabliva ciažarnych žančyn — pra niehatyŭnyja nastupstvy zachvorvańnia.

Pieršapačatkova ličyłasia, što virus Zika, jaki pryvodzić da ciažkich pryrodžanych defiektaŭ, pieradajecca praz ukusy adnoj z raznavidnaściaŭ maskitaŭ — Aedes aegypti, abo kamara žoŭtalichamankavaha. Adnak paźniej vyśvietliłasia, što praces pieradačy zachvorvańnia bolš składany.

Virus Zika niebiaśpiečny dla budučych maci tym, što źviazany z surjoznymi pryrodžanymi parokami raźvićcia, u tym liku mikracefalijaj u novanarodžanych dziaciej.

Pavodle daśledavańnia brazilskich navukoŭcaŭ, u ahulnaj kolkaści ŭ rajonach, jakija znachodziacca pad pahrozaj epidemii Zika, pražyvajuć 2,2 miljarda čałaviek.

SAAZ pryznała virus hłabalnaj pahrozaj. Vakcyny ad jaho da hetaha času niama.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?