Alaksandr Łukašenka 21 červienia padpisaŭ ukaz № 228, jakim unios źmieny va ŭkaz ad 11 žniŭnia 2005 hoda № 366 «Ab farmavańni cen na lekavyja srodki, vyraby miedycynskaha pryznačeńnia i miedycynskuju techniku».

Jak paviedamlaje pres-słužba kiraŭnika dziaržavy, dakumient praduhledžvaje pryviazku dziejučaj rehresiŭny škały hraničnych aptovych i handlovych nadbavak, što prymianiajucca pry farmavańni cen na lekavyja srodki, miedycynskija vyraby i miedycynskuju techniku, da bazavaj vieličyni zamiest dalara ZŠA.

Praduhledžvajecca taksama dyfierencyjavanaje pamianšeńnie hraničnych pamieraŭ aptovych i handlovych nadbavak, što prymianiajucca pry farmavańni cen na miedycynskija tavary, pa miery rostu adpusknych cen biełaruskich vytvorcaŭ (raźlikovych adpusknych cen imparcioraŭ) na dadzienuju pradukcyju.

Pradastaŭlajecca mahčymaść realizacyi miedycynskich tavaraŭ nižej za adpusknuju (raźlikovuju adpusknuju) canu.

Dadzienyja miery, jak adznačaje pres-słužba, dazvolać źnizić košt lekavych srodkaŭ (u siarednim na 2,1% — ad 2 tys. da 40 tys. rubloŭ za adzinku tavaru) «i tym samym pavysić ich cenavuju dastupnaść dla nasielnictva; pavialičyć abjom realizacyi ajčynnych miedycynskich tavaraŭ, zachavaŭšy pry hetym biasstratnuju pracu handlovaj sietki».

«Akramia taho, heta dazvolić vyklučyć nieabhruntavanaje pavieličeńnie dachodaŭ aptečnaj sietki pry roście kursaŭ zamiežnych valut na rynku i skaracić vydatki biudžetnych srodkaŭ pry ažyćciaŭleńni dziaržaŭnych zakupak», — havorycca ŭ paviedamleńni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?