Hałoŭny bankir Biełarusi Pavieł Kałaur raspavioŭ, što vieryć u vykanańnie płanaŭ pa inflacyi, jakija zakładzienyja ŭ prahramu na piacihodku, a taksama pryznaŭsia, što nie źbirajecca pravodzić noč u Nacbanku napiaredadni denaminacyi. Z Paŭłam Uładzimiravičam žurnalisty parazmaŭlali padčas pierapynku ŭ pasiadžeńni Usiebiełaruskaha schodu.

Fota: Vadzim Zamiroŭski, TUT.BY

— Jak možna być niezadavolenym paramietram pa inflacyi jak klučavym paramietram makraekanamičnaj stabilnaści? — razvažaŭ kiraŭnik Nacbanka.

Nahadajem, prahrama sacyjalna-ekanamičnaha raźvićcia krainy praduhledžvaje źnižeńnie inflacyi da 5% da 2020 hoda. A, naprykład, tolki ŭ hetym hodzie prahnazujecca, što rost koštaŭ budzie 12%.

— Usio atrymajecca? I nizkaja inflacyja, i staŭki pa kredytach? Ci možna budzie narešcie ŭziać kredyt na kvateru pad 9% hadavych?

— Klučavy pakazčyk — inflacyja. Staŭki ŭžo farmujucca na rynku. Kali inflacyja budzie nizkaj na praciahu doŭhaha pieryjadu času, to, naturalna, staŭki taksama buduć nizkimi (…). Kali my zabiaśpiečym dynamiku pa inflacyi, kali my zabiaśpiečym pakazčyki zbałansavanaści płaciežnaha bałansu i ŭsio, što z hetym źviazana… Heta vielmi surjoznaja praca, niepasrednyja inviestycyi tyja ž, padtrymańnie małoha pradprymalnictva, dyk voś, kali my ŭsio heta vytrymajem, heta ŭsio realna. Ale heta sapraŭdy vielmi ambicyjnyja zadačy.

— Ciapier biełarusy časta žartujuć: projdzie denaminacyja, ale chutka ŭsio roŭna pryjdziecca admovicca ad kapiejek z-za rostu koštaŭ.

— My budziem zabiaśpiečvać zachavańnie pakupnickaj zdolnaści, mienavita na heta i nakiravana zadača nizkaj inflacyi, — jašče raz padkreśliŭ Pavieł Kałaur.

— Jak vy praviedziacie noč z 30 červienia na 1 lipienia? Ci budziecie vy ŭvieś čas u Nacbanku?

— Navošta? Ja ž narmalny čałaviek! — ździviŭsia Pavieł Uładzimiravič. — Kožny pavinien zajmacca svajoj spravaj. Kiraŭnik pavinien umieć delehavać paŭnamoctvy i daviarać kalektyvu.

Kiraŭnik Nacbanka ličyć, što prablem ź pierachodam na novyja hrošy nie budzie. Raniej jon kazaŭ, što kraina hatovaja da denaminacyi, i raźličvaŭ, što nasielnictva pastavicca da mahčymych niazručnaściaŭ z razumieńniem i humaram.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?